Ved Klinikk for laboratoriefag blir det utført analyser/undersøkingar innan fagområda medisinsk biokjemi, medisinsk mikrobiologi, blodbank/immunologi og nukleærmedisin. Blodbanken utfører svangerskapsimmunologi og medisinsk mikrobiologi utfører infeksjonsscrenning på gravide i heile Møre og Romsdal.
Ved Klinikk for laboratoriefag er vi opptekne av kvalitet i alle ledd, og vi gjer vårt ytterste for å vere ein god og påliteleg samarbeidspartnar for brukarane våre. Vi arbeider aktivt med å forbetre kvalitetssystemet vårt, halde personalet fagleg oppdatert og for å ha ein moderne utstyrspark. Vi gir ut "Bio-posten" nokre gonger i året. Der tar vi opp aktuelle faglege problemstillingar. Vi sender dessutan alltid ut rundskriv til rekvirentane når vi gjer viktige endringar, til dømes endring av analysemetode, referanseområde eller ved endringar i analyserepertoaret.
Laboratorium for medisinsk biokjemi, Ålesund sjukehus (LMBÅ) har vore akkreditert etter ISO 17025 sidan 2005. Hausten 2011 gjekk vi over til standarden ISO 15189. Denne er meir tilpassa medisinske laboratorium og har større fokus på pasienten og analysesvaret sitt bidrag til pasientbehandlinga. Standarden omfattar også kvalitetssikring av preanalystiske prosedyrer, slik at laboratoriet må ta eit større ansvar for å sikre kvaliteten på tilsende prøver. 85 % av analysevolumet ved Laboratorium for medisinsk biokjemi, Ålesund, er akkreditert.
Opningstider for poliklinisk blodprøvetaking:
| Laboratoriet i Ålesund: |
Måndag til fredag kl. 07.45 - 15.00 |
| Laboratoriet i Volda: |
Måndag til fredag kl. 08.00 - 15.00 |
Ver merksam på at poliklinisk prøvetaking etter kl.15.00 vert utført berre etter avtale med rekvirenten.