Den partssamansatte arbeidsgruppa, som har jobba med forslag til ”Samarbeidsavtale” med vedlegg, har no ferdigstilt sitt arbeid. Forslaget er send ut til alle kommunar for administrativ og politisk behandling. Forslaget blir lagt fram for styret i Helse Møre og Romsdal HF i januar 2012.
Helse Møre og Romsdal HF vil rose kommunane for godt samarbeid i arbeidsgruppa fram mot forslag til "Samarbeidsavtale".
Mykje semje og eit uavklart punkt
Det har vore diskutert mange og kompliserte områder innafor dette samarbeidet. Helseføretaket opplever at det er brei oppslutning om punktane i avtalene.
Av mange avklarte punkt, gjenstår bare eit punkt som det er usemje om. Kommunane og helseføretaket har ulikt syn om tidspunkt for varsling om utskrivingsklare pasientar. Bakgrunnen for denne usemja ligg i tolkingar gjort av Helse- og omsorgsdepartmentet (HOD).
Helse- og omsorgsdepartementet si tolking
Helseføretaket held seg til det som står i lov og forskrifter og den tolkinga som departementet har gjort av lov og forskrift på dette området (notat frå HOD av 12.12.2001 " Spørsmål om forholdet mellom lovpålagte avtaler og forskrift om kommunal medfinansiering og utskrivningsklare pasienter"). I deira konklusjon heiter det:
Det innebærer at de lokale lovpålagte samarbeidsavtalene ikke kan innholde punkter som sier "Pasienter kan ikke meldes utskrivningsklar i helg..." eller "Varsling til kommunene skal gjøres så tidlig som mulig på virkedager, mandag-fredag, etter kl.08.00, og senest kl.15.00.". Avtalepunktene må formuleres på en slik måte at det klart fremgår at dette er rutiner og retningslinjer. Det kan for eksempel utformes slik "Partene skal søke å foreta varsling til kommune så tidlig som mulig, og helst før kl. 15.".
Denne usemja er gjengjeven i vedlegg til forslag til avtalar med kommunane. Alle andre punkt i avtalen er det semje om i den partsamansatte arbeidsgruppa.
Føre vidare det gode samarbeidet
Helse Møre og Romsdal HF ser frem til å føre vidare det gode samarbeidet som har vore med kommunane i dette arbeidet når andre deler av avtala skal jobbast med fram til 1. juli 2012.