Styrets vedtak med føringar for budsjett for 2012

Etter ein debatt gjorde styret følgjande vedtak:

1. Styret for Helse Møre og Romsdal HF gjev si tilslutning til administrerande direktør sitt forslag til overordna budsjettet for 2012. Dette inneber at klinikkane/avdelingane får ei ramme som byggjer på budsjett for 2011 minus ein prosent effektivisering og dei endringane som er skissert i saka.
2. Styret for Helse Møre og Romsdal konstaterar at fleire klinikkar/avdelingar ikkje har tilstrekkeleg med tiltak for å nå kravet om budsjettbalanse i 2012. Administrerande direktør må legge fram eit endeleg budsjett i januarmøte der ein har funne løysing på utfordringsbiletet.
3. Styret for Helse Møre og Romsdal ber administrerande direktør kome tilbake til styret med eit forslag til endeleg resultatkrav for 2012 som tek høgde for naudsynt overskot i høve til investeringar.
4. Med dei særs gode resultat Helse Møre og Romsdal har innan kreftbehandling i forhold til nasjonale krav, ber styret om at det i den endelege budsjettsaka blir fokusert på ein framleis høg standard på desse tilboda.

Det er med andre ord lagt opp til at styret skal gjere endelig budsjettvedtak på januarmøtet.