Samhandlingsreforma blei sett i kraft frå årsskiftet. Og onsdag 11. april blei første møte i det overordna samhandlingsutvalet mellom kommunane og Helse Møre og Romsdal HF avvikla.
Møtet blei heldt i Ålesund, i styrerommet til helseføretaket. Det overordna samhandlingsutvalet er eit partsamansatt, overordna, strategisk og utviklingsorientert utval mellom helseføretaket og kommunane.
Val av leiar og nestleiar
Maritta Ohrstrand blei valt som leiar av overordna samhandlingsutval. Nestleiar blei Britt Sølvi Flem.
Utvalet er slikt samansatt:
- Frå kommunane: Liv Stette, Arne Sverre Dahl, Anders Riise og Maritta Ohrstrand.
- Frå Fylkeslegen: Christian Bjelke.Frå Brukarutvalet: Hanne-Lilian Søvik.
- Frå helseføretaket: John Harry Kvalshaug, Britt Sølvi Flem, Britt Rakvåg Roald og Helge Ristesund.
Saker på første møte
Dei andre sakene på sakslista var mellom anna:
- Orientering om arbeidet med samarbeidsavtalene
- Oppretting av klinisk samhandlingsutval for fagområdet svangerskap, fødsel og barselomsorg
- Oppretting av administrative samhandlingsutval
- Møteplan 2012
I tilegg har Overordna samhandlingsutval som mål å planlegge og halde ein samhandlingskonferanse i 2012.
Kort om nokre av oppgåvene til Overordna samhandlingsutval:
- Peike ut retning på samhandling og oppgåvefordeling mellom kommune og helseføretak
- Følgje opp samarbeidsavtalene, evaluere og foreslå justeringar
- Etablere, halde vedlike og evaluere system for handtering av avvik i høve til avtalene
- Søke og løyse samhandlingssaker av prinsipiell karakter
- Arrangere årleg samhandlingskonferanse
- Oppdatere oversikt over samhandlingsprosjekt i fylket
For media - for ytterlegare informasjon, kontakt:
- Leiar Maritta Ohrstrand, mobil 909 50 544
- Nestleiar Britt Sølvi Flem, mobil 930 07 589
- Samhandlingssjef Britt Roald Rakvåg, mobil 415 52 803
LAST NED HØGOPPLØSELIGE BILDER PÅ FLICKR:
http://www.flickr.com/photos/helse_midt-norge/