Helse Møre og Romsdal HF bekrefter at tilsettingsforholdet til ein lege, som tidlegare i år blei tatt for innførsel av ulovlege medikament, er avslutta.
Det opplyser personaldirektør Olav Finnøy i Helse Møre og Romsdal HF.
Legen, som har vore tilsett i helseføretaket sidan i fjor haust, er no ikkje lenger i teneste ved Molde sjukehus.
Etter at Helse Møre og Romsdal HF blei informert av politiet; at legen hadde blitt stoppa på Gardermoen for innførsel av ulovlege medikament, meldte helseføretaket saka rutinemessig til Fylkeslegen i Møre og Romsdal. Tilsettingsforholdet blei straks avslutta, og helseføretaket er kjent med at Fylkeslegen har opna tilsynssak på legen.
For media - for ytterlegare informasjon – kontakt:
- Personaldirektør Olav Finnøy – mobil 908 34 452
- Kommunikasjonssjef Arnt Sommerlund – mobil 900 88 300