Medisinsk sengepost 4 ved Molde sjukehus tek ikkje imot nye pasientar tirsdag og onsdag, på grunn av at fleire pasientar no har omgangssjuke.
- Vi har fem pasientar med omgangssjuke, og nokre av desse har fått påvist Noro-virus. For å unngå at fleire skal bli smitta tek vi derfor ikkje inn nye pasientar før situasjonen er avklara for desse fem, seier Bjørg Marit Berg, sjef ved medisinsk avdeling ved Molde sjukehus. Nye pasientar til indremedisinsk behandling blir fordelt på andre sengepostar.