”Når barn og unge slit psykisk…” er tema for eit ope dialogmøte på kveldstid, måndag 27. februar på Skansen Aktivitet i Ålesund. Det blir informasjon og samtale om tenestetilbodet for barn og unge i Ålesund kommune og ved Psykisk helsevern for barn og unge i Helse Møre og Romsdal.
Dette er tredje gong representantar for ulike tenester, brukarar, pårørande og andre interesserte møtest på Skansen Aktivitet for å dele informasjon om og diskutere tenestetilboda for psykisk sjuke.
–Vi har fått tilbakemeldingar på at desse dialogmøta er eit viktig tiltak, seier Øistein Edvardsen, nyvald leiar i LPP Ålesund og omegn. Det var lokallaget av Landsforeningen for Pårørende innen Psykisk helse som tok initiativ til møta, som blir arrangerte i samarbeid med Ålesund kommune og Vaksenpsykiatrisk avdeling, Psykisk helsevern for barn og unge og Lærings- og meistringssenteret i Helse Møre og Romsdal.
Les meir - klikk her