Volda sjukehus
Postboks 113, 6101 VOLDA
Telefon 70 05 82 00
Telefaks 70 07 81 16
Volda sjukehus ligg i Volda kommune på Søre Sunnmøre, 1,8 km frå Volda sentrum.
Informasjonsskranke
Iinformasjonsskranken finn du i hovudvestibylen.. Det er her du betalar etter behandling på poliklinikkane.
Banktilbod
Du kan betale med kort på alle poliklinikkane.
Parkering
Kiosk og kaféteriatilbod
Det er kiosk i vestibylen. Han har følgjande opningstider:
- Måndag til fredag kl. 1000-1530.
- Laurdag: kl. 1330-1530.
- Søndagar stengt.
I tillegg køyrer vi kiosktralle rundt på avdelingane kvar onsdag.
Kantina i underetasjen er open for tilsette, pasientar og pårørande. Ho har følgjande opningstider:
- Måndag til fredag: kl. 0800-1600
- Laurdag og søndag: kl. 1200-1600
Bruk av mobiltelefon
Tidlegare var det totalforbod mot bruk av mobiltelefon. No er det tillate i:
- Hovudvestibylen og i venterom på poliklinikkar.
- På medisinsk-, kirurgisk- og gyn/fødesengepost.
Retningslinger ved bruk av mobiltelefon:
• Vis respekt for dine medpasientar og personalet.
• Personalet kan i periodar på døgnet eller innan spesielle områder på avdelinga, be deg slå av eller sette telefonen på lydlaus.
• Ver merksam og vis respekt for føretakets mobilfrie soner. Dette av sikkerheitsmessige omsyn. Mobilfrie soner vil vere merka.
• Bruk av kamera og/eller lydopptak på fleirsengerom, mottak og andre fellesareal skal ikkje førekome av omsyn til medpasientar. Unntak er når personalet gir løyve til dette og alle som blir vist i bildet / høyrast i opptaket samtykkjer til det.
Pasienttelefon
På avdelingane er det telefonar ved alle sengene. Det er også telefonautomatar i alle etasjar.
Bibliotek
Pasientbiblioteket ligg i underetasjen, og har ope kvar onsdag kl.1230 - 1730. Bibliotekaren går rundt på avdelingane kvar onsdag.
Både pasientar, pårørande og tilsette kan låne.
Visittid
Visittid er kl. 1400-19.00. Vi oppmodar besøkjande om å ta kontakt med den aktuelle avdelinga før besøket.
Barselpasientane ved kvinneklinikken har kviletid kl. 1300 -1500, elles er det same visittider her som ved dei andre avdelingane.
Til toppen