Avdelinga gir tilbod om rehabilitering både i sengepost og poliklinikk etter mellom anna hjerneslag, ryggmargsskade, post polio, amputasjonar, ortopedi, større skader og funksjonstap ved kreftlidingar, hjerneskadar og kognitive funksjonstap. Tilboda gjeld utgreiing, behandling og rehabilitering, ofte i tidleg fase og i samarbeid med andre spesial avdelingar ved Ålesund sjukehus.
Avdelinga arbeidar etter ein tverrfagleg modell som omfattar ulike yrkesgrupper: legespesialistar, sosionomar, logopedar, psykologar, sjukepleiarar, hjelpepleiarar, fysioterapeutar og ergoterapeutar. Kompetansen og nærleiken til andre spesialavdelingar gjer avdelinga godt kvalifisert til å arbeide med dei mest omfattande og kompliserte rehabiliteringspasientane.