Om Lærings- og meistringssenteret

Opplæring av pasientar og pårørande er ei av spesialisthelsetenesta sine fire hovudoppgåver. Avdelingane ved sjukehusa har hovudansvaret for denne. Opplæringstiltak/kurs blir planlagde, gjennomførte og evaluerte i eit likeverdig samarbeid mellom pasientar/brukarar og fagpersonar. Lærings- og meistringssenteret (LMS) støttar avdelingane fagleg, praktisk og administrativt.
Senteret arbeider for at opplæring går inn som ein naturleg del av standardiserte pasientforløp. Nært samarbeid med brukarar, brukar-organisasjonar og kommunar legg grunnlaget for dette.
Lærings- og meistringssenteret i Helse Møre og Romsdal er ein eigen seksjon i Samhandlingsavdelinga.