Radiologisk avdeling - Molde og Kristiansund

Ved Radiologisk avdeling Molde og Kristiansund sjukehus i Helse Møre og Romsdal, tilbys eit breitt utval av undersøkingar innan røntgen, ultralyd/doppler, CT (datatomografi), MR (magnetisk resonans). I tillegg tilbyr vi angiografi (bilete av blodårer) og mammografi (røntgenbilete av bryst) ved Molde sjukehus.

Vi deler nettverk med alle sjukehusa i Helse Midt-Norge. Dersom ein pasient til dømes raskt må overflyttast til St. Olavs Hospital i Trondheim, så vil legar ved St. Olavs Hospital ha tilgang til både bilete og svar så snart undersøkinga er avslutta her.

Stadig fleire av legekontora i distriktet er også kopla opp mot sjukehusa i føretaket. Desse har ikkje tilgang til biletarkivet vårt, men kan få svar på undersøkingar overført elektronisk, noko som gjer at svara blir raskare tilgjengelige for legekontora.

Helseføretaket har akutt-funksjon med radiografar og røntgenlegar på vakt heile døgnet.