På sengeposten har vi seks einerom med moglegheit for skjerming og strukturert miljøterapi. Vi er ein lukka post, det vil seie at vi har låste ytterdører for å gi trygge rammer for deg og dei andre pasientane. Det inneber at du må kontakte personalet for å gå ut eller kome inn i sengeposten.

Målgruppe

• Vaksne (18 - 65 år) med psykoseliding eller mistanke om psykose.
• Pasientar med betydeleg funksjonsfall og behov for lukka døgntilbod som ikkje kan takast i vare poliklinisk eller i åpen post.

Tilvising

Innlagte pasientar

Overføring frå akuttseksjon eller andre sengepostar i Klinikk for psykisk helse og rus etter intern vurdering.

Elektive pasientar

Tilvising frå spesialisthelsetenesta etter poliklinisk vurdering (DPS eller ambulant team).

Korleis tilvise

Via Helseplattformen til seksjonsleiar/teamkoordinator. Tilvisinga skal innehalde:

• Klinisk status og funksjonsnivå.
• V-RISK-10 og eventuelt BVC.
• Suicidalitetsvurdering.
• Juridisk status.
• Aktuell legemiddelliste.
• Somatisk status.
• Kort anamnese og formål med innlegginga, inkludert grunn for lukka post framfor åpen post og vurdering av forventa varigheit.

Eksklusjonskriterie

• Høg til moderat aktuell voldsrisiko.
• Behov for kontinuerleg observasjon (krever høgare sikkerheitsnivå).
• Alvorleg sjølvskadande framferd med behov for KO eller svært tett oppfølging.
• Primær rusliding utan psykose.
• Alvorleg somatisk ustabilitet.
• Personlegheitsforstyrring utan psykotiske symptom.

Behandling og utgreiing

• Miljøterapi: Strukturert og støttande behandlingsmiljø med aktivitetar som turdag, gymsal og sosial trening.
• IMR (Illness Management and Recovery): Kombinasjon av psykoedukasjon og recovery-orientert tilnærming. Dette med mål om å styrke mestringsevne og håp gjennom individuelle mål og praktiske strategiar. Blir tilbydd i gruppe eller individuelt.
• Psykologisk behandling: Kognitiv atferdsterapi (KAT) ved vedvarende symptom, psykoedukasjon og avklaringssamtalar. Behandling blir tilpassa individuelt.
• Familiesamarbeid: Tidleg involvering av pårørande, tilbod om psykoedukativt familiesamarbeid (PEF/REACT) der kompetanse er tilgjengeleg.
• Legemiddelbehandling: Antipsykotika i samvalg med pasient, depotinjeksjonar ved behov, somatisk basisundersøking før oppstart. Benzodiazepiner blir brukt kortast mogleg ut frå klinisk behov.
• Fysisk helse: Tiltak for fysisk aktivitet og gode levevanar.
• Utgreiing: Standardisert diagnostikk (SCID-5, PANSS, BPRS), kognitiv testing (WAIS-IV), rus (AUDIT/DUDIT), traume og somatisk screening.

Vi følger nasjonal fagleg retningsline for legemiddelbehandling (helsedirektoratet.no). 

Vanleg opphald

Eit vanleg opphald hos oss er om lag 4 veker for målretta utgreiing og behandlingsoptimalisering, og inntil 12 veker ved behov.

Bemanning

Tverrfagleg team innan psykisk helsevern med sjukepleiarar, vernepleiarar, miljøterapeutar, psykologspesialistar, psykiatar og legar i spesialisering (LIS). Tilgang til sosionom, fysioterapeut og ergoterapeut ved behov (ikke fast integrert i seksjonen).