Osteoporosepoliklinikken SNR Kristiansund

Vi tilbyr konsultasjonar der vi kartlegg livsstil og risikofaktorar for beinskjørheit, såkalla osteoporose. Dette er eit behandlingstilbod til pasientar over 50 år, for å fange opp lågenergibrot. Vi ønsker å unngå at pasientar havnar på operasjonsbordet etter brot i hofte, handledd eller rygg etter fall frå eiga høgde.

For å redusere risikoen for nye brot finst det veldokumentert behandling. Dette ønsker vi å hjelpe deg med. Ved Kristiansund sjukehus har vi Ostoporosepoliklinikken som blir drive av sjukepleiar og lege. Desse vil kartlegge om du er beinskjør, gi kosthald- og aktivitetsråd, og vurdere oppstart av behandling.

For å kunne gi mest mogleg riktig behandling tar vi blodprøver av deg, og det er ønskeleg med ei beintettleiksmåling, såkalla DXA-måing. Dette er ei røntgenundersøking med lite strålebelastning.

Ønsker du å bli vurdert og få behandling for din osteoporose? Ta kontakt med inntakskontoret på telefon 71 12 19 95, så avtalar vi ein time.

Kontakt

Telefon

71 12 20 06

Telefontid 08.30–10.15 kvar måndag og onsdag, pluss fredag i partalsveker.

Behov for å endre timen din?

HelsaMi

Send oss ei melding via HelsaMi. Logg på helsami.no eller last ned HelsaMi-appen og finn timen din der. Det er viktig at du tar kontakt så snart som råd før avtalt time. Då kan andre få tilbod om timen og du bidreg til å redusere ventetidene. Dersom du ikkje møter, blir du belasta med eit gebyr, sjølv om du er fritatt for eigendel.

Slik finn du fram

1. etasje.

Hovudinngangen ved Kristiansund sjukehus

SNR Kristiansund

Herman Døhlens vei 1

6508 Kristiansund

Finn fram