En lege som viser en pasient noe på datamaskinen

Intensiv Volda

Vi tar i mot akutt- og kritisk sjuke pasientar med svikt i eitt eller fleire organsystem. Dette er ei felles intensivavdeling for alle fagområda i sjukehuset. Ålesund sjukehus har fylkesdekkande funksjon for barn.

Hos oss er det til ei kvar tid anestesilege eller medisinsk lege med ansvar for å følgje opp pasientane, ofte i samarbeid med andre spesialitetar. Dei fleste sjukepleiarane hos oss har vidareutdanning i intensivsjukepleie, og vi har eigen fysioterapeut med spesialisering innan intensivmedisin.

Kontakt

Telefon

Næraste pårørande kan ringe når som helst på døgnet for å få informasjon om pasienten sin tilstand. Vi ønsker at ein av dei pårørande er hovudkontaktperson for resten av familien og andre.NB. Det er ikkje tillatt å bruke mobiltelefon inne på pasientromma.

Slik finn du fram

Oppmøtestad

Intensiv ligg i 2.etasje. Ta heisen opp ein etasje og gå til høgre. Bruk ringeklokka ved døra, så møter vi deg.

Adresse

En stor bygning med et tre foran seg

Volda sjukehus

Kløvertunvegen 1

Finn fram

Besøksparkering på tilvist stad på sjukehusområdet, sjå kart under. 

  • Merk at du alltid må registrere bilnummeret på parkeringsautomat eller i EasyPark-appen ved ankomst
  • Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
  • Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
  • Appen EasyPark er også eit godt betalingalternativ
  • Besøkande med HC-kort har betalingsfritak på parkeringsplassar med HC-merking. 
Kart
  1. Hovudinngang
  2. Akuttmottak
  3. Volda DPS
  4. BUP
  • Grøn markering: Parkering for pasientar og besøkande
  • Oransje markering: Parkering for HC
  • Raud markering: Parkering for blodgivarar (ingen avgift) 
  • Lilla: Ladestasjon
  • P: Parkeringsautomatar

 

​Vi har ladestasjonar for el-bil ved fleire av våre lokasjonar. Her finn du oversikt over ladestasjonane:

Ladestasjonar for el-bil

Pasientreiser

Når du har vore til behandling, kan du søke om å få reisestøtte. Treng du tilrettelagd transport for å kome til behandling, kan du ha rett til å få ei organisert reise.

Meir informasjon om pasientreiser finn du på helsenorge.no

Buss

Fram Ekspress og alle andre bussar går innom busslomma ved Volda sjukehus

Fly

Ørsta-Volda lufthamn, Hovden ligg om lag 8 km frå Volda sjukehus.

Praktisk informasjon

​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

​Ta gjerne med barn på besøk til den sjuke. Barn er visuelle og aksepterer lettare situasjonen dersom dei får sjå med eigne auge og får forklart på enkle måtar kva som skjer. Ta kontakt med ansvarleg sjukepleiar før de går inn i avdelinga. Dette er særleg viktig første gongen barnet skal på besøk. Snakk gjerne med barnet heime om korleis det ser ut på intensiven, korleis pasienten ser ut og korleis han/ho har det. 

​Dersom du kjem mellom kl 20.00 og 06.00 er hovudinngangen til sjukehuset låst. I dette tidsrommet kan du kome og gå via akuttmottaket. Døra inn til avdelinga er også låst. Bruk ringeklokka ved døra, så kjem vi og opnar til deg.

Besøkstida er frå kl 14.00-19.00.

Alvorleg sjuke pasientar har høve til å ha pårørande hos seg også utanom besøkstida.

Har du spørsmål som pårørande, kan du ringe direkte til avdelinga på telefon 70 05 83 43 .

Besøkstid kl. 17.00-19.00 alle dagar. 

Ta kontakt med aktuell avdeling før besøket. ​


På barselavdelinga gjeld følgjande besøkstider​​​​​​

For partnar som ikkje er innskriven i avdelinga saman med mor er kjernetida for besøk mellom kl 10.00-20.00.
​
Besøkstid for søsken og besteforeldre mellom kl 17.00 og 18.00.

Vi anbefaler ro rundt mor og barn i barseltida på sjukehuset.​​

​Blomster er hyggeleg å få, men på grunn av stor infeksjonsfare og allergiproblem, må diverre blomster stå ute på gangen. Det kan difor vere ein god idé å vente med blomster til pasienten er flytta frå intensivavdelinga.

​Dersom du har vore alvorleg sjuk og fått respiratorbehandling over lengre tid, kan sjukepleiarane skrive dagbok om opphaldet. Etter heimreisa får du tilbod om ein samtale og kan få utlevert dagboka om du ønskjer det.   

​Av omsyn til hygiene og smittefare ber vi deg som pårørande om å sprite hendene før og etter besøk hos pasienten. Desinfeksjonssprit finn du ved inngangen til avdelinga. Ved isolasjon gjeld det eigne rutinar. Er du i tvil, ta kontakt med sjukepleiar.

Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

Gjestenettet HMNGuest er opent tilgjengeleg, uten bruk av passord.

​​Legevisitten er som oftast mellom kl 09.00 og 11.00. Då er legar med ulike spesialitetar involvert. Pårørande er ikkje til stades på visitten, men kan avtale samtale med lege via sjukepleiaren som har ansvaret for pasienten.

​NB! Det er ikkje tillat å bruke mobiltelefon inne i avdelinga.

​Vi ber om avgrensa bruk av parfyme, då det er mange av pasientane våre som reagerer på dette.

​Dette gjeld også ved poliklinisk time på sjukehuset. ​

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

​Du som pårørande er ein stor ressurs både for pasienten og for oss. Kontakt med familie, eller nære personar, kan bety mykje for pasienten. Det å vere til stades, snakke med pasienten eller halde i handa kan vere til god hjelp. Du må gjerne snakke med pasienten sjølv om han/ho ikkje kan gi respons på det du seier. Pasienten kan høyre deg, sjølv om det ser ut som han/ho søv.

Dersom du ønsker det kan du vere med på enkle gjeremål, for eksempel hjelpe pasienten med å ete, vere med på enkle stelleprosedyrer, eller gi massasje.

Det er også viktig at du som pårørande for din eigen del tar pausar frå opphaldet ved avdelinga. Både du og pasienten treng kvile.

​Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

Opningstid

08.00–16.30

Kantina

Hos oss får du god heimelaga mat til gode prisar. 

Middagsservering kvar dag frå kl 12.00 - 16.00. I tillegg har vi litt kioskvarer, krigler, kaker og påsmurt brødmat. Vi har også pålegg og brødmat som du kan smøre sjølv.

Opningstider:

  • Måndag til fredag: kl 08.00 - 16.00
  • Laurdag og søndag: kl 12.00 - 16.00

 

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved sjukehuset.