Nettverksmøte for læring, meistring og helsekompetanse i Møre og Romsdal
Moglegheitsrommet for betre samhandling var i fokus då kommunar, helseføretak, brukarrepresentantar og samarbeidspartnarar møttest til ny nettverkssamling 8. april 2026. Nettverket har som mål å styrke samarbeid om læring, meistring og helsekompetanse i Møre og Romsdal.
Nyleg blei det gjennomført nettverkssamling for læring, meistring og helsekompetanse ved Vestnes Fjordhotell. Deltakarar frå kommunar, spesialisthelsetenesta og samarbeidspartnarar bidrog til utvikling av gode og samanhengande kurs- og gruppetilbod for pasientar og pårørande i regionen. Nettverket er retta mot helsepersonell og andre som arbeider med læring og meistring, mellom anna gjennom kurs, gruppebaserte tilbod, samtalegrupper og treffstader.
Fagleg påfyll, erfaringsdeling og aktiv deltaking
Programmet for samlinga la til rette for både fagleg påfyll og aktiv deltaking. Deltakarane fekk mellom anna innblikk i døme på ulike kurstypar, hybridkurs og minikurs i formidling. Ein sentral del av dagen var gruppearbeid med fokus på «moglegheitsrommet for betre samhandling», der tema som tenestenivå, interkommunalt samarbeid og samarbeid med brukarorganisasjonar blei løfta fram.
Brukarmedverknad i praksis var òg eit viktig tema, og bidrog til refleksjon og samtale om korleis erfaringskompetanse kan nyttast i utviklinga av relevante og treffsikre tilbod.
Del av eit langsiktig samarbeid
Nettverkssamlinga er ein del av eit langsiktig samarbeid for å styrke læring, meistring og helsekompetanse i Møre og Romsdal. Ambisjonen er å få med representantar frå alle kommunar i fylket som arbeider med – eller ønskjer å starte opp – gruppebaserte tilbod innan feltet.
Arbeidsgruppa bak nettverket består av representantar frå kommunar, Helse Møre og Romsdal, Utviklingssenter for sykehjem og hjemmetjenester, KORUS og brukarorganisasjonar. Gjennom jamlege samlingar ønsker vi å bidra til meir oversikt, styrkt samarbeid og vidareutvikling av lærings- og meistringstilbod – til beste for pasientar, pårørande og fagpersonar.
Vidare arbeid og deltaking i nettverket
Nettverket er ope for fleire som arbeider med – eller ønskjer å starte opp – kurs og gruppebaserte tilbod innan læring, meistring og helsekompetanse.
Neste nettverksmøte er planlagt hausten 2026.
Ønskjer du å delta i nettverket eller få meir informasjon, kan du ta kontakt med