Pasient og pårørandeopplæring hausten 2024

Meir om pasient og pårørandeopplæring

Pasient og pårørandeopplæring er ein av fire hovudoppgåver til helseforetaket, og finn stad ved dei fire sjukehusa i fylket. Lærings og meistringstilboda er oftast i grupper og fleire av tilboda er digitale der du kan delta uavhengig kvar du bur.

Det finst over 120 ulike kurs- og gruppetilbod i fylket vårt. Det er fagpersonar og helsepersonell ved dei ulike sjukehusavdelingane som er fagleg ansvarlege for opplæringstilbodet. Lærings og meistringssenteret er ein støttespelar i likeverdig samarbeid med helsepersonell og erfarne brukarrepresentantar som har kjennskap til korleis det kan vere å leve med den gitte helseutfordringa eller diagnosen.

Du finn informasjon om pasient- og pårørandeopplæring, dine rettar og kurstilboda ved å gå inn på pasient og pårørandeopplæring.

Du finn også alle tilboda ved å klikke på kurskatalogen til Helse Møre og Romsdal her. Søk gjerne opp på aktuell diagnose for deg.

Ver merksam på at du treng tilvising frå fastlegen din eller behandlar i spesialisthelsetenesta til kurstilboda.

Målet med lærings og meistringstilbod

Målet med lærings- og meistringstilbod er at pasientar, brukarar og pårørande skal 

• få informasjon, kunnskap og bistand til å handtere sjukdom og endringar i helsa 
• førebygge eller hindre utvikling av sjukdom og funksjonsnedsetting 
• gi støtte til endring av levevanar for å fremje fysisk og psykisk helse 
• understøtte pasient og brukar sin eigen læringsprosess (henta frå Helsedirektoratet)