Pasient- og pårørandeopplæring
Kurs og gruppetilbod.
Pasient og pårørandeopplæring hausten 2025
Ny haust gir nye høver til kurs og gruppetilbod for pasientar og pårørande i Helse Møre og Romsdal HF. Ei lovpålagt oppgåve som skal gi kunnskap, tryggleik og betre meistring i kvardagen for pasientar og pårørande.
Publisert 29.08.2025
Foto: colourbox
Det er haust og nye muligheiter for kurs og gruppetilbod i Helse Møre og Romsdal HF. Denne hausten er vi særlig glad for at kursa på Nordsida av fylket kjem igong igjen etter innflyttinga på SNR Hjelset i vår.
Lærings-og meistringssenteret jobbar for at pasientar, brukarar og pårørande skal få informasjon, kunnskap og hjelp til å handtere og meistre langvarig sjukdom og endringar i helsa si. Vi ønskjer å tilrettelegge for at alle som har behov får eit tilbod om opplæring.
Lærings- og meistringssenteret sendte tidlegare i sommar ut plakatar over utvalde tilbod ved dei enkelte sjukehusområda til legekontor, kommunar, apotek, brukarorganisasjonar, sjukehusavdelingar og andre aktuelle samarbeidspartar.Det finst over 100 ulike kurs- og gruppetilbod i fylket vårt, fleire er digitale eller hybride som gjer du kan delta uavhengig av kvar du bur.
Digital kurskatalog
Sjå kurskatalogen vår for nærmare informasjon om kva kurs som går eller snakk med din behandlar eller fastlege. Ver merksam på at du treng tilvisning frå din fastlege eller behandlar for å delta på kurs
På samme side kan du også finne kva kurs og gruppetilbud som finst i di kommune. For å delta på kurs i di kommune kontakt kommunen din.
Har du spørsmål eller behov for å snakke med ein av rådgjevarane ved Lærings- og meistringssenteret kontakt:
Volda sjukehus: Camilla Kleppe Eidså, tlf. 90 53 13 24 eller
Marita Øye, tlf. 70 16 87 32
SNR Hjelset: Astrid Ljøkjell Solem, tlf. 93 09 18 16 eller
Camilla Slutås Lund, tlf. 41 68 45 64
Camilla Slutås Lund, tlf. 41 68 45 64
SNR Kristiansund: Rita Overvåg, tlf. 98 44 67 32