Månadens brukarorganisasjon

Kvifor startar vi med månadens brukarorganisasjon? 

Helse Møre og Romsdal (HMR) ønskjer å synleggjere det viktige arbeidet som pasient- og brukarorganisasjonane gjer. I samarbeid med Funksjonshemmedes fellesorganisasjon (FFO) og Samarbeidsforumet av funksjonshemmedes organisasjoner (SAFO) vil vi kvar månad framheve ein brukarorganisasjon på alle sjukehusa i fylket. 

Fordelar ved synleggjering av brukarorganisasjonar på sjukehus: 

• For pasientane: Gir tilgang til støtte, rådgiving, fellesskap, og påliteleg informasjon om sjukdom og meistringsstrategiar. Informerer om rettigheiter og ressursar. 

• For helsepersonell: Moglegheit til å vise pasientar til ekstra støtte, noko som kan forbetre pasientomsorga og gi ei meir heilhetleg tilnærming til behandling. Gir innsikt i pasientane sitt perspektiv og behov. 

• For brukarorganisasjonen: Auka forståing og synlegheit på sjukehus, som kan føre til fleire medlemmer og frivillige. Betre samarbeid med helsepersonell og auka truverdigheit. 

• For sjukehuset: Forbetra pasienttilfredsheit, redusert belastning på helsetenestene, og eit positivt omdømme som ein pasientsentrert og omsorgsfull institusjon. Bidreg til ei meir heilhetleg og pasientfokusert helseteneste. 

Markering 

Den valde brukarorganisasjonen får marknadsføre seg i ein månad før det rullerer til neste brukarorganisasjon. Fram til hausten 2025 vil markeringa med stand foregå i vestibylen ved Ålesund sjukehus. I tillegg vil det vere PowerPoint-presentasjon av kvar enkelt brukarorganisasjon på informasjonsskjermane våre, som er plasserte rundt omkring på sjukehusa i heile fylket. Vi har som ambisjon og mål å kunne tilby stands ved alle dei fire sjukehusa våre etter kvart. Vi håpar at månadens brukarorganisasjon kan bidra positivt til å vidareføre godt samarbeid med brukarorganisasjonane i fylket vårt. 

Ønskjer du å vere månadens brukarorganisasjon?

Dersom de ønsker å vere månadens brukarorganisasjon kan de kontakte Funksjonshemmedes landsforbund avdeling Møre og Romsdal på e-post post.moreogromsdal@ffo.no. Besøk også gjerne heimesida til FFO Møre og Romsdal her: Møre og Romsdal (ffo.no)

Når de har fått tildelt ein månad vil de motta e-post med praktisk informasjon og navn på kontaktpersonar hos Lærings- og meistringssenteret (LMS) og FFO.