Månadens brukarorganisasjon

Kvifor startar vi med månadens brukarorganisasjon? 

Helse Møre og Romsdal (HMR) ønskjer å synleggjere det viktige arbeidet som pasient- og brukarorganisasjonane gjer. I samarbeid med Funksjonshemmedes fellesorganisasjon (FFO) og Samarbeidsforumet av funksjonshemmedes organisasjoner (SAFO) vil vi kvar månad framheve ein brukarorganisasjon på alle sjukehusa i fylket. 

Fordelar ved synleggjering av brukarorganisasjonar på sjukehus: 

• For pasientane: Gir tilgang til støtte, rådgiving, fellesskap, og påliteleg informasjon om sjukdom og meistringsstrategiar. Informerer om rettigheiter og ressursar. 

• For helsepersonell: Moglegheit til å vise pasientar til ekstra støtte, noko som kan forbetre pasientomsorga og gi ei meir heilhetleg tilnærming til behandling. Gir innsikt i pasientane sitt perspektiv og behov. 

• For brukarorganisasjonen: Auka forståing og synlegheit på sjukehus, som kan føre til fleire medlemmer og frivillige. Betre samarbeid med helsepersonell og auka truverdigheit. 

• For sjukehuset: Forbetra pasienttilfredsheit, redusert belastning på helsetenestene, og eit positivt omdømme som ein pasientsentrert og omsorgsfull institusjon. Bidreg til ei meir heilhetleg og pasientfokusert helseteneste. 

Ønskjer du å vere månadens brukarorganisasjon?

Dersom de har spørsmål eller ønsker å vere månadens brukarorganisasjon kan de kontakte Funksjonshemmedes landsforbund avdeling Møre og Romsdal på e-post post.moreogromsdal@ffo.no. Besøk også gjerne heimesida til FFO Møre og Romsdal.

Når de har fått tildelt ein månad vil de motta e-post med praktisk informasjon og navn på kontaktpersonar hos Lærings- og meistringssenteret (LMS) og FFO. 
Les nøye gjennom tilsendt e-post.

Markering 

Brukarorganisasjonen får marknadsføre seg i ein månad.Frå september 2025 vil vi tilby stand i hovudvestibylen ved alle fire sjukehus.I tillegg vil det vere PowerPoint-presentasjon av aktuell brukarorganisasjon på informasjonsskjermane våre.Vi håpar at månadens brukarorganisasjon kan bidra positivt til å vidareføre godt samarbeid med brukarorganisasjonane i fylket vårt.