Vi tilrår at du alltid nyttar siste versjon av nettlesaren din.

Samhandling på tvers om læring og meistring

For å sikre utvikling av gode lærings- og meistringstilbod for pasientar og pårørande, arbeider Lærings- og meistringssenteret målretta med tverrfagleg samarbeid og samhandling på tvers av fagmiljø og tenester. Vi samarbeider lokalt, regionalt og nasjonalt med avdelingar i sjukehusa, kommunar, fastlegar, brukarorganisasjonar, NAV og andre relevante samarbeidspartnarar. Målet er å utvikle relevante og kunnskapsbaserte tilbod som møter behova til ulike pasientgrupper og deira pårørande.

Samarbeid - hender

Foto: colourbox

Samarbeid med kommunale tenester og brukarorganisasjonar

Vi arbeider for å styrkje samarbeidet mellom tilbydarar av lærings- og meistringstilbod i kommunar og helseføretak. Dette omfattar mellom anna frisklivssentralar, fastlegar og NAV. Lærings- og meistringssenteret har òg eit godt samarbeid med ulike brukarorganisasjonar/ brukarrepresentantar.
​

Føremålet er å ha kjennskap til dei ulike tenestene, samarbeide om lærings- og meistringstilbod, styrkje brukarmedverknaden og bidra til fagutvikling.

Oversikt over frisklivssentralar i Møre og Romsdal​

I Møre og Romsdal har Friskliv og mestring i Kristiansund ei rolle knytt til utvikling, erfaringsutveksling og nettverksbygging mellom frisklivssentralane i fylket. Gjennom dette arbeidet blir det lagt til rette for kompetansedeling og samarbeid på tvers av kommunane.

Helsefellesskap i Møre og Romsdal​

Helsefellesskap Møre og Romsdal er ein viktig arena for samhandling mellom kommunane og helseføretaket. Her møtest representantar frå ulike fagmiljø i helseføretaket, kommunane, brukarane, fastlegane og Lærings- og meistringssenteret for å planleggje, utvikle og forbetre tenestene i fellesskap.

Oversikt og meir informasjon om Helsefellesskap

Regionalt samarbeid

Gjennom regionalt samarbeid arbeider vi for å styrkje kvaliteten på pasient- og pårørandeopplæringa i Helse Midt-Noreg. Saman med Regional ressurs for pasient- og pårørandeopplæring (ROPP) og lærings- og meistringssentera i regionen deler vi kunnskap, utviklar kompetanse og samarbeider om fagutvikling. Målet er å fremje kunnskapsbasert praksis og bidra til gode lærings- og meistringstilbod for pasientar og pårørande.

Meir informasjon om den regionale funksjonen for opplæring av pasientar og pårørande (Helse-Midt)​


Interregionalt nettverk for helsekompetanse og mestring

Lærings- og meistringssenteret deltek i Interregionalt nettverk for helsekompetanse og meistring, eit nasjonalt samarbeid mellom alle helseregionane i Noreg. Nettverket skal bidra til meir likeverdige lærings- og meistringstilbod i spesialisthelsetenesta og styrkje fagutvikling, kvalitetsforbetring og kompetansedeling på tvers av regionar og fagmiljø. Arbeidet tek utgangspunkt i behova til pasientar og pårørande og skal bidra til utvikling av framtidsretta og kunnskapsbaserte tenester.

Nytt nasjonalt senter for helsekompetanse og mestring 

Nasjonalt senter for helsekompetanse og mestring er under etablering og omorganisering. Meir informasjon vil kome.



 
Sist oppdatert 11.08.2026