Vi tilrår at du alltid nyttar siste versjon av nettlesaren din.
Arbeids-Ekg ved Ålesund sjukehus
Arbeids-Ekg gir informasjon om hjartefunksjonen under belastning.
Testen blir brukt til å finne ut om ein ved fysisk belastning kan provosere fram feilfunksjon ved hjarterytmen, for å måle fysisk kapasitet, for å diagnotisere hjartesjukdom, for å få opplysningar om kor alvorleg sjukdommen er og for å vurdere effekt av behandling.
Før
Ta gjerne med lette treningsklede og joggesko.
Unngå mat og tobakk dei siste 3 timane før testen.
Du kan ete ein lett frukost.
Dersom det ikkje er gitt anna beskjed skal du ta medisinane dine som vanleg undersøkingsdagen.
Under
Testen blir utført ved at du syklar på ergometersykkel eller går på tredemølle. Gi beskjed til medisinsk poliklinikk dersom du har plager som fører til at du ikkje kan gjennomføre testen med ein av desse metodane, slik at vi kan planlegge tilrettelegging av undersøkinga.
Ein skal halde mest mogleg jamt tempo under sykling/gange. I starten vil belastinga vere lett. Testmaskina aukar automatisk belastinga med jamne mellomrom.
Målet er å teste inntil maksimal belastingskapasitet eller så nær maksimalt som mogleg. For at testen skal bli best mogleg, er det viktig at du ikkje stoppar for tidleg. Testen blir avslutta når du oppnår maks belastingskapasitet eller dersom legen finn andre teikn til at det er rett å stoppe testen, som for eksempel ved smerter i brystet.
Etter avslutta belasting, held registreringa fram i nokre minutt medan du får kvile.
Etter
Vi ser helst at du ventar ca. 30 minutt etter testen før du reiser heim frå sjukehuset.
Testresultatet vil vere klart med det samme. For enkelte kan det vere nødvendig med ytterlegare vurderingar.
Fastlegen din får skriftleg resultat av testen og råd om vidare oppfølging.
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
Merk at du alltid må registrere bilnummeret på parkeringsautomat eller i EasyPark-appen ved ankomst.
Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid.
Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare.
Appen EasyPark er også eit godt betalingalternativ.
Besøkande med HC-kort har betalingsfritak på parkeringsplassar med HC-merking.
Ny hovudinngang frå 1. oktober 2025
Hovudinngangen til sjukehuset er flytta frå sørsida til nordsida. Sjå punkt 1 på kartet. Merk at gamle hovudinngangen er stengt frå same tidspunkt.
Markerte område på bildet Grøn markering: Parkering for pasientar/besøkande Lys blå markering: Korttidsparkering, maks 30 minutt. Oransje markering: HC-parkering Raud markering: Parkering for blodgivarar Mørk blå markering: Parkering for besøkande med spesialbevis
Kart
For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Fram Ekspress og alle andre bussar går innom busslomma ved Ålesund sjukehus. Unntak: Flybussen i Ålesund stoppar berre ved busslomme oppe ved hovudvegen.
Fly
Ålesund lufthavn, Vigra ligg om lag 23 km frå Ålesund sjukehus.
Praktisk informasjon
Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.
Treng du nokon å snakke med? Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.
Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.
Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.
Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.
Opningstid
07.30–15.30
Apoteket ligg på nordsida av sjukehuset, like ved hovudinngangen.
Vi har god heimelaga mat, varme og kalde rettar, til gode prisar.
Du finn oss i 1. etasje, fløy M. Velkomen!
Opningstider:
Måndag til fredag: kl 09.00 - 15.00
Helg og høgtid: stengt
Kiosk
I tillegg har vi kiosk i hovedvestibylen ved sjukehuset.
Opningstider:
Måndag til fredag: kl 07.00 - 20.00
Laurdag og søndag: 12.00 - 18.00
Raude dagar: 10.00 - 18.00
Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.
Det ikkje er lov å ta bilde av medpasientar eller tilsette uten løyve.
Vi håper alle viser respekt for personvernet under besøket ved sjukehuset.
