Det er svært viktig å lese innkallingsbrevet grundig, her finn de informasjon som er viktig for undersøkinga. Ofte blir innkallinga send frå barnepoliklinikken for å førebu barnet til undersøkinga før oppmøte på nukleærmedisin.
- Om de ikkje kan møte til timen, ber vi de gi beskjed om dette så fort som mogleg etter at de har fått innkallingsbrevet.
- Gravid forelder bør ikkje følge barn til undersøkingar på nukleærmedisin.
Viktige førebuingar
- Ta kontakt med oss om barnet nettopp har vore til urografi eller CT med kontrast.
- Om barnet har behov for kateter for å tømme blæra, må de ta med nok utstyr til dette på undersøkingsdagen. Ta med bleier om barnet bruker dette
- Barnet skal drikke rikeleg med væske før de møter til undersøkinga. Barnet vil også bli bede om å drikke ei gitt mengde væske når de møter til undersøkinga
- Ta med informasjon om høgda til barnet og vekt
- Ta gjerne med ei leike/bok/bamse som barnet er glad i
