Vi tilrår at du alltid nyttar siste versjon av nettlesaren din.
EKG-langtidsregistrering
Vi gjer langtids EKG-registrering for å påvise hjarterytmeforstyrringar som ikkje blir fanga opp ved vanleg EKG-taking. Registreringa blir gjort med eit såkalla Holterapparat som består av ein liten bandopptakar med leidningar som vi festar med klistrelapper på overkroppen din. Langtids EKG-registrering varer vanlegvis i 24 timar, men i nokre tilfelle opp til 72 timar. Registreringa blir gjennomført medan du gjer daglege aktivitetar.
Før
Det er viktig at du har rein og tørr hud utan fuktkrem når du kjem til poliklinikken for tilkopling.
Under
Tilkopling og rettleiing om Holterapparatet tar 10 til 20 minutt. Dette blir gjort av ein sjukepleiar.
Det er viktig at du har så normal aktivitet som mogleg under registreringa. Du må gjerne gjere aktivitetar du trur kan utløyse ei hjarterytmeforstyrring. Dersom du i løpet av denne tida får symptom på hjarterytmeforstyrring, er det viktig at du registrerer dette, og dessutan tidspunkt og aktivitetsnivå på registreringsskjemaet du får utlevert.
Holterapparatet toler ikkje vatn og du kan ikkje dusje med dette påkoblet. Om det er aktuelt med dusjing i registreringsperioden, vil du få opplæring i korleis apparatet skal koplast av og på igjen. Det kan vere greitt å ha ein liten tettsittende T-skjorte, spesielt om natta, slik at leidningane og klistrelappene held seg i ro.
Du bør unngå ekstrem fysisk aktivitet under registrering då dette gir dårleg opptak.
Etter
Du skal levere Holterapparatet tilbake til poliklinikken som avtalt. Resultatet av undersøkinga sender vi til fastlege eller tilvisande lege.
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
Merk at du alltid må registrere bilnummeret på parkeringsautomat eller i EasyPark-appen ved ankomst.
Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid.
Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare.
Appen EasyPark er også eit godt betalingalternativ.
Besøkande med HC-kort har betalingsfritak på parkeringsplassar med HC-merking.
Ny hovudinngang frå 1. oktober 2025
Hovudinngangen til sjukehuset er flytta frå sørsida til nordsida. Sjå punkt 1 på kartet. Merk at gamle hovudinngangen er stengt frå same tidspunkt.
Markerte område på bildetGrøn markering: Parkering for pasientar/besøkandeLys blå markering: Korttidsparkering, maks 30 minutt.Oransje markering: HC-parkeringRaud markering: Parkering for blodgivararMørk blå markering: Parkering for besøkande med spesialbevis
Kart
For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Fram Ekspress og alle andre bussar går innom busslomma ved Ålesund sjukehus. Unntak: Flybussen i Ålesund stoppar berre ved busslomme oppe ved hovudvegen.
Fly
Ålesund lufthavn, Vigra ligg om lag 23 km frå Ålesund sjukehus.
Praktisk informasjon
Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.
Treng du nokon å snakke med? Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.
Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.
Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.
Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.
Opningstid
07.30–15.30
Apoteket ligg på nordsida av sjukehuset, like ved hovudinngangen.
Vi har god heimelaga mat, varme og kalde rettar, til gode prisar.
Du finn oss i 1. etasje, fløy M. Velkomen!
Opningstider:
Måndag til fredag: kl 09.00 - 15.00
Helg og høgtid: stengt
Kiosk
I tillegg har vi kiosk i hovedvestibylen ved sjukehuset.
Opningstider:
Måndag til fredag: kl 07.00 - 20.00
Laurdag og søndag: 12.00 - 18.00
Raude dagar: 10.00 - 18.00
Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.
Det ikkje er lov å ta bilde av medpasientar eller tilsette uten løyve.
Vi håper alle viser respekt for personvernet under besøket ved sjukehuset.
