For å oppnå gode resultat må du vere motivert og klar for å endre levevanar. Enkelte behandlingssenter bruker ein samtaleteknikk som heiter motiverande intervju for å støtte deg i denne prosessen.
Fedmebehandling - livsstilsendring
Å endre levevanar skal hjelpe deg med å gå ned i vekt og oppnå varig stabilisering av vekta. Åtferdsbehandling er ein viktig del av dette.
Fedme hos vaksne
Intensiv livsstilsbehandling er nødvendig for all vektreduserande behandling, inkludert eventuell tilleggsbehandling med medikament eller operasjon. Åtferdsbehandlinga skal hjelpe deg til å gjennomføre endringar i kosthaldet ditt og halde oppe gode levevanar. Målet er varig vektreduksjon.
Før
Under
Åtferdsbehandling skal hjelpe deg til å endre og halde oppe nye kost- og aktivitetsvanar over tid. Du vil få hyppig oppfølging både individuelt og i gruppe, avhengig av kva som passar best for deg. Saman jobbar vi med strategiar og tiltak i kvardagen og med konkrete mål.
Sett konkrete mål
Det er lurt å sette heilt konkrete mål for ny åtferd. For eksempel kan du bestemme deg for å gå ein rask tur på 30 minutt kvar dag uansett vêr, men ha ei konkret erstatning dersom det blir eit forferdeleg uvêr. Eit anna konkret mål kan vere å ete regelmessige måltid.
Kartlegg vanar og juster inntak
Før dei nye vanane er innarbeidde kan det også vere lurt at du kartlegg matinntak, fysisk aktivitet og kroppsvekt, og at du bruker denne informasjonen som hjelp til å bli bevisst vanane dine. Det er viktig at du veg deg og at du bruker resultata til å justere matinntak og fysisk aktivitet.
Kontroll over freistingar
Det er viktig å forstå kva for nokre ytre faktorar som kan utløyse overeting, som for eksempel det å hoppe over måltid eller å ha snacks eller andre freistingar lett tilgjengeleg. Eit anna eksempel er å gå i butikken når du er svolten.
Prøv å redusere eller fjerne freistingane, eller påskjønne deg sjølv på andre måtar (enn med mat) dersom du klarer å la vere å forsyne deg.
Redusert kaloriinntak
Å redusere kaloriinntaket er den mest effektive metoden for å gå ned i vekt. Det finst mange ulike diettar, som for eksempel lågfeitt-, lågkarbo-, og høgprotein-diettar. Forsking har likevel vist at diettane har nokså lik effekt på varig vekttap (over 2 år). God og varig vektreduksjon (10–20 kg i løpet av eitt år) kan oppnåast ved å redusere kaloriinntaket med 500–1000 kaloriar per dag.
Raskare vektreduksjon kan oppnåast gjennom ein 6–12 vekers lågkaloridiett (800–1200 kcal/dag) etterfølgt av gradvis auke i kaloriinntaket, men ikkje meir enn at vekta blir halden stabil. Uansett kva vektreduksjonsmetode ein vel er det viktig å ha ein langsiktig plan for å halde oppe gode levevanar.
Regelmessig fysisk aktivitet er viktig for varig vekttap. Det kan for eksempel vere å gå eit rask tur på 30 minutt kvar vekedag uavhengig av vêr.
Etter
Å halde vekta nede etter vekttap kan vere vanskeleg. Kroppen har ei rekke innebygde forsvarsmekanismar mot vekttap. Dei som har gått mykje ned i vekt blir meir svoltne, får meir lyst på kaloririk mat og får litt lågare forbrenning. Dette gjer det mykje lettare å legge på seg igjen.
For å motverke dette bør du legge ein god plan for kva som må til for å stabilisere vekta etter ein vellykka vektreduksjon. Det inneber praktisk planlegging, oppfølging hos fastlegen og bruk av sosiale nettverk, venner og familie for å få støtte til helsefremjande vanar.
Å halde oppe gode levevanar etter vektreduksjon er ein livslang krevjande prosess, og du bør førebu deg på at det kan bli vanskeleg. Dersom du får tilbakefall eller nye problem, kan du snakke med fastlegen om svoltdempande medikament.
Slike medikament kan gjere det enklare å gjennomføre og halde oppe endringar i levevanar gjennom redusert svoltkjensla, auka mettheitskjensle, og mindre lyst på kaloririk mat. Om det ikkje lykkast, kan fastlegen din tilvise deg til sjukehuset for ny vurdering.
Sist faglig oppdatert 18.02.2025
Kontakt
Ålesund sjukehus
Overvektspoliklinikken
Ventetid: 17 uker
Ålesund sjukehus
Overvektspoliklinikken
Ventetid: 17 uker
Ventetid: 17 uker
Kontakt OvervektspoliklinikkenOppmøtestad
1. etasje, fløy HØ (høgblokka). Vis-à-vis høyrselssentralen.
Ålesund sjukehus
Åsehaugen 5
Transport
Parkering
Besøksparkering i parkeringshuset Passasjen, med innkøyring ved habiliteringsbygget og ved den nye hovudinngangen til sjukehuset. Det er også besøksparkering mellom kreftavdelinga og barne- og ungdomsavdelinga.
Parkeringa blir registrert automatisk med skiltgjenkjenning.
Oppdaterte prisar for parkering finn du på sunnmoreparkering.no
Betalingsalternativ
- Parkly-appen. Registrer bil og betalingskort i appen for automatisk trekk.
- Parkeringsautomat med betaling før utkøyring. Parkeringsautomaten finn du i 1. etasje i parkeringshuset, like ved hovudinngangen til sjukehuset.
- Faktura. Ver merksam på fakturagebyr.
- På nett innan 48 timar. Gå til sunnmoreparkering.no
- Appen EasyPark er også eit godt betalingalternativ. Du kan aktivere kameraparkering i appen for automatisk trekk.
HC-parkering
HC-parkering finn du i første etasje på parkeringshuset, med innkøyring ved hovudinngangen til sjukehuset. I tillegg er det HC-parkering ute ved habiliteringbygget, hovudinngangen, barne- og ungdomsavdelinga, kreftavdelinga, vaksenpsykiatrisk poliklinikk / barne- og ungdomspsykiatrisk poliklinikk (BUP), UPA og ved administrasjonsbygget.
Oversikt over sjukehusområdet
Kart
For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Finn fram på sjukehuset med Mazemap
