Vi tilrår at du alltid nyttar siste versjon av nettlesaren din.
Pasientkurs

Korttids dynamisk psykoterapigruppe - Ålesund

Tilbod for menneske som slit med kjenslemessige konflikter i mellommenneskelige relasjonar, der dette fører til angst, depresjon eller andre psykiske symptom.

Tid og stad

Når
Gruppa går kontinuerlig
Type arrangement
Gruppeopplæring
Arrangør
Gruppebehandlingsteamet
Kvar
Ålesund sjukehus
Du møter på Vaksenpsykiatrisk poliklinikk. Det er i bygget som ligg nordaust for sjukehusblokkene.

Tilvising skal sendast elektronisk til Psykiatrisk poliklinikk, Ålesund sjukehus
Ønsker du/dykk å delta på opplæringa, ta kontakt med fastlegen din eller behandlar i spesialisthelsetenesta for tilvising.

Eksklusjonskriterier:Pasientar som har alvorleg depresjon. Gruppa er ikkje eigna som traumebehandling av PTSD. Det same gjeld pasientar som har hovuddiagnose innan rusmiddelmisbruk.

Kvifor delta på kurs

Gruppeanalyse er ei behandlings-form som har som mål å fremme betre sjølvforståing og å etablere betre løysingar på kjenslemessige og relasjonelle problem. Gjennom dette arbeidet er målet å redusere symptom og opne opp for personleg vekst og utvikling.

Innhald

Denne type gruppe er ei tidsavgrensa analytisk psykoterapigruppe. Behandlinga er fokusert på avgrensa problem, for eksempel uhensiktsmessige interpersonlege relasjonsmønstre, som ofte vil kome til uttrykk i forholdet mellom deltakarane i gruppa, og gjere arbeid i «her-og-no» modus muleg. 
 
Ved å dele personlege erfaringar, tankar og kjensler med kvarandre, gjennom responsen frå dei andre gruppemedlemmene og terapeuten, vil ein gradvis forstå og meistre ulike sider ved seg sjølv  og sitt forhold til andre menneske.

Nye medlemmar føler ofte situasjonen som uvant og vanskeleg, men med aukande tillit og gjensidig interesse i gruppa vil ein gradvis få hjelp til å uttrykke følelsar og tankar som har blitt undertrykt eller er overveldande.

Praktiske opplysningar

Gruppa møtast til faste tider ein gong i veka à 1 ½  time i 25 sesjonar. Alle startar og sluttar samtidig.

Talet på deltakarar: 8 stk

Parkering etter gjeldande reglement ved sjukehuset. Parkeringsgebyr kan betalast ved parkeringsautomat eller via Easypark app. 

Rettar og eigenandel

Sjukmelding: Dersom du treng sjukmelding, kontakt din fastlege.

Pasientar har rett til fri for å delta på pasientopplæring. Rettar ved reise og opphald gjeld som ved andre polikliniske timar på sjukehuset.

Du må betale eigenandel som ved ein vanleg poliklinisk konsultasjon. Dette går inn i frikortgrunnlaget, ingen eigenandel for deg som har frikort. Faktura sendes etter kurset.

Lenke til utfyllande informasjonom eigenandel og andre rettar finn du her

Nyttige nettsider

Podcast om gruppeterapi

Kontakt

Relevante behandlingar