Vi tilrår at du alltid nyttar siste versjon av nettlesaren din.
Nevropsykologisk utgreiing
Klinisk nevropsykologi er å bruke kunnskap om hjernen og psykologi for å undersøke og forstå verknader av skade eller sjukdom i sentralnervesystemet.
Innhaldet i undersøkinga vil variere noko frå person til person. Som regel startar den med ein samtale for å få informasjon om situasjonen din og bakgrunnen for at du kjem til undersøkinga. Det kan også vere aktuelt å snakke med pårørande og/eller andre som kjenner deg, dersom du synest det er greit. I dei fleste tilfella blir det gjennomført ulike testar. Dette er testar som mellom anna kartlegg korleis hjernen arbeidar med forskjellige oppgaver når vi skal konsentrere oss, hugse ting og løyse problem i kvardagen.
Tilvising og vurdering
Fastlege og psykolog kan tilvise til nevropsykologisk utgreiing. Pasientar kan også bli tilvist frå andre sjukehusavdelingar. Tilvisinga blir vurdert innan 10 verkedagar, og du får brev med informasjon om frist for oppstart og nærmare beskjed om time.
Tydeleg forklaring av årsak til tilvising: Kva ønsker ein svar på?
Anamnestiske opplysningar (oppvekst, utdanning, yrke, sosial funksjon, fritid)
Aktuelle diagnosar og behandling, både somatisk og psykisk
Medisinliste
Andre relevante funn (blodprøvar, billeddiagnostikk, EEG etc)
Informasjon om eventuell tidlegare nevropsykologisk utgreiing.
Ved førarkortvurdering er det viktig at pasienten er informert om at dette er grunnlaget for tilvisinga. Det må leggast ved informasjon om andre somatiske og psykiske forhold er avklart jfr. helsekrava til førarkort (eks. syn, epilepsi, medikasjon, motorisk funksjon, atferdsforstyrring, psykose m.m.)
Før
Møt utkvilt til testinga, unngå medisineringar eller inntak av rusmidlar dagane før.
Ta med briller eller høyreapparat om du brukar det.
Ta med ferdig utfylte skjema om du fekk dette på førehand.
Det kan vere lurt å ha med matpakke og drikke, eller pengar til å kjøpe mat, då undersøkinga tar litt tid.
Hugs å skru av mobilen før undersøkinga startar.
Under
Første gong du kjem, har vi ein samtale om kvifor du er hos oss og kva undersøkinga går ut på. Vi spør blant anna om noverande og tidlegare fungering, utviklingshistorie m.m. Dersom du ønsker det kan pårørande, eller andre som kjenner deg godt, vere med i den første samtalen. Som regel blir det gjennomført testing. Testinga blir utført av nevropsykolog og blir vanlegvis fordelt over 2 dagar eller meir. Testane kan vere munnlege, skriftlege eller praktiske. Ingen av dei gjer vondt, men du kan blir trøytt etterpå.
Etter
Etter utgreiinga er ferdig, får du tilbod om ein avsluttande og oppsummerande samtale for å drøfte resultata i lys av situasjonen din. Etter avtale med deg kan vi også delta på møte med til dømes fastlege, NAV, kommunale tenester eller andre instansar. I den oppsummerande samtalen drøftar vi også om det er behov for å tilvise til andre. I etterkant sender vi ein rapport til den som tilviste deg, vanlegvis også til fastlegen din og til eventuelt andre etter avtale med deg.
Kontakt
Ålesund sjukehusFysikalsk medisin og nevropsykologi poliklinikk Ålesund
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
Merk at du alltid må registrere bilnummeret på parkeringsautomat eller i EasyPark-appen ved ankomst.
Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid.
Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare.
Appen EasyPark er også eit godt betalingalternativ.
Besøkande med HC-kort har betalingsfritak på parkeringsplassar med HC-merking.
Stengde inngangsparti i samband med byggearbeid
Poliklinikkinngangen er stengt
20. november 2023 stengde vi poliklinikkinngangen, (inngang nord, Åsehaugen 5a) og la om parkeringsområda ved Ålesund sjukehus i samband med ombygging.
Markerte område på bildet Grøn markering: Parkering for pasientar/besøkande Gul markering: HC-parkering Raud markering: Parkering for blodgivarar Blå markering: Parkering for besøkande med spesialbevis
Kart
For å finne fram på sjukehuset kan du også bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Fram Ekspress og alle andre bussar går innom busslomma ved Ålesund sjukehus. Unntak: Flybussen i Ålesund stoppar berre ved busslomme oppe ved hovudvegen.
Fly
Ålesund lufthavn, Vigra ligg om lag 23 km frå Ålesund sjukehus.
Praktisk informasjon
Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.
Treng du nokon å snakke med? Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.
Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.
Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.
Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.
Opningstid
07.30–15.30
Apoteket ligg på nordsida av sjukehuset, nær inngangen til poliklinikkane.
Vi har god heimelaga mat, varme og kalde rettar, til gode prisar.
Du finn oss i 1. etasje. Velkomen!
Opningstider:
Måndag til fredag: kl 09.00 - 15.00
Helg og høgtid: stengt
Kiosk
I tillegg har vi kiosk i hovedvestibylen ved sjukehuset.
Opningstider:
Måndag til fredag: kl 07.00 - 20.00
Laurdag og søndag: 12.00 - 18.00
Raude dagar: 10.00 - 18.00
Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.
Det ikkje er lov å ta bilde av medpasientar eller tilsette uten løyve.
Vi håper alle viser respekt for personvernet under besøket ved sjukehuset.
