Vi tilrår at du alltid nyttar siste versjon av nettlesaren din.
Palliativ behandling for barn og unge ved Ålesund sjukehus
Palliasjon til barn og unge betyr aktiv, heilskapleg og tverrfagleg oppfølging av unge pasientar (0–18 år) som lever med livsavgrensande eller livstruande tilstandar. Det overordna målet for palliativ behandling er best mogleg livskvalitet for barnet, søsken og foreldre gjennom heile sjukdomsforløpet, ikkje berre dersom livet går mot slutten.
PALBU-team
Det er etablert team for Palliasjon og livskvalitet til barn og unge (PALBU-team) ved alle barne- og ungdomsklinikkane i landet. Målet for PALBU-team er å sørge for eit likeverdig, heilskapleg tilbod til barn og unge i palliative forløp, uavhengig av kor i landet pasienten bur.
PALBU-team samarbeider tett med behandlarane til pasienten, og er eit supplement til den sjukdomsretta behandlinga. I samarbeid med kommunehelsetenesta bidrar PALBU-team til at barnet eller ungdommen kan vere heime så mykje som mogleg gjennom sjukdomsforløpet, dersom det er ønskeleg.
Før
Pasient eller føresette kan komme i kontakt med PALBU-team på ulike tidspunkt i sjukdomsforløpet. Nokon blir tilviste allereie ved diagnosetidspunkt. Andre blir tilviste til teamet når sjukdommen går over i ein ny fase. Det er kontaktlegen til barnet på sjukehuset som tilviser til PALBU-teamet. Føresette kan be legen om tilvising til PALBU.
Under
Palliativt team kan i samarbeid med behandlande lege og kommunale instansar bidra med råd og rettleiing i ulike fasar av eit palliativt forløp. Problemstillingane kan vere mange og samansette, og kan omhandle både medisinske problemstillingar og lindring av symptom, ivaretaking av psykososiale behov, etiske problemstillingar med meir.
Behandlingsteamet kan vidare bidra til at barnet eller ungdommen og familien får:
ein plan for lindring ved smerter, uro, pustevanskar, utmatting, ernæringsvanskar, kvalme, angst eller søvnvanskar.
samtalar om målet for behandlinga.
hjelp til planlegging og støtte ved vanskelege samtalar, både heime, på sjukehuset og på skulen.
hjelp til å koordinere lokalt hjelpeapparat og nettverk.
rådgiving om økonomiske støtteordningar.
støtte til best mogleg livskvalitet.
hjelp til planlegging og førebuingar viss livet går mot slutten.
Etter
Dersom eit palliativt forløp endar med at barnet eller ungdommen døyr, kan eit PALBU-team bidra til at dei etterlatne får støtte og rettleiing i sorgprosessen.
Sist faglig oppdatert 10.02.2026
Kontakt
Ålesund sjukehusPalliativt team for barn og ungdom (PALBU)
Besøksparkering i parkeringshuset Passasjen, med innkøyring ved habiliteringsbygget og ved den nye hovudinngangen til sjukehuset. Det er også besøksparkering mellom kreftavdelinga og barne- og ungdomsavdelinga.
Parkeringa blir registrert automatisk med skiltgjenkjenning.
Appen EasyPark er også eit godt betalingalternativ. Du kan aktivere kameraparkering i appen for automatisk trekk.
HC-parkering
HC-parkering finn du i første etasje på parkeringshuset, med innkøyring ved hovudinngangen til sjukehuset. I tillegg er det HC-parkering ute ved habiliteringbygget, hovudinngangen, barne- og ungdomsavdelinga, kreftavdelinga, vaksenpsykiatrisk poliklinikk / barne- og ungdomspsykiatrisk poliklinikk (BUP), UPA og ved administrasjonsbygget.
Oversikt over sjukehusområdet
Markeringar på bildet: Grøn markering viser parkering for pasientar/besøkande. Mørk blå markering viser HC-parkering.
Kart
For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Fram Ekspress og alle andre bussar går innom busslomma ved Ålesund sjukehus. Unntak: Flybussen i Ålesund stoppar berre ved busslomme oppe ved hovudvegen.
Fly
Ålesund lufthavn, Vigra ligg om lag 23 km frå Ålesund sjukehus.
Praktisk informasjon
Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.
Treng du nokon å snakke med? Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.
Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.
Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.
Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.
Apoteket ligg på nordsida av sjukehuset, like ved hovudinngangen.
Kafé
Vi har god heimelaga mat, varme og kalde rettar, til gode prisar.
Du finn oss i 1. etasje, fløy M. Velkomen!
Opningstider:
Måndag til fredag: kl 09.00 - 15.00
Helg og høgtid: stengt
Kiosk
I tillegg har vi kiosk i hovedvestibylen ved sjukehuset.
Opningstider:
Måndag til fredag: kl 07.00 - 20.00
Laurdag og søndag: 12.00 - 18.00
Raude dagar: 10.00 - 18.00
Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.
Det ikkje er lov å ta bilde av medpasientar eller tilsette uten løyve.
Vi håper alle viser respekt for personvernet under besøket ved sjukehuset.
