Sterke langvarige smerter som ikke skyldes kreft
Smerte blir opplevd ulikt av ulike personar. Felles for alle er at våre tankar, følelsar og åtferd blir påverka når vi har vondt over lengre tid. Nyare forsking tyder på at langvarig smerte har samanheng med endringar i nervesystemet og at medikament ofte berre i avgrensa grad kan påverke desse endringane. Fokus er på tiltak som betrar livsfunksjon. Det overordna målet for all smertebehandling er å bidra til auka livskvalitet og betra funksjon i kvardagen.
Smertepoliklinikk
Vi tar utgangspunkt i ei heilskapleg forståing som legg vekt på samspelet mellom medisinske, psykologiske og sosiale forhold.
I poliklinikken vår arbeider psykologar, smertesjukepleiarar, legar, fysioterapeutar, manuellterapeuter, psykomotorisk fysioterapeut, jobbspesialist og sekretærar. Pasientar som kjem til smertepoliklinikken vil som regel møte fleire av desse fagpersonane.
Vi behandlar både langvarig smerte, der plagene har vart i fleire månader eller år, og relativt nyleg oppstått smerte der det er ein risiko for at plagene kan bli langvarige.
Pasientar med smerte knytt til pågåande kreftbehandling blir i hovudsak vareteke av behandlande avdeling/palliativt team.
Tilvising og vurdering
Pasientar med langvarige smertetilstandar kan bli tilvist til og vurdert tverrfagleg ved smertepoliklinikken. Det tverrfaglege teamet består av fleire faggrupper som lege, fysioterapeut, sjukepleiar og psykolog. Fastlegen kan tilvise deg til smertepoliklinikken etter at du først har vore igjennom aktuelle tiltak som er tilgjengeleg i kommunehelsetenesta. Fagpersonane ved smertepoliklinikken jobbar saman i team, og utgreiingsteamet blir vanlegvis bestemt ved inntaksdrøfting.
Det er eit mål at dei fleste pasientane med sterke langvarige smerter som ikkje kjem av kreft skal starte utgreiing seinast seks månader etter at tilvisinga er motteken. Inntaksteamet, som består av lege, fysioterapeut og psykolog, vurderer om du treng å få time tidlegare enn seks månader. I nokre tilfelle vil det vere aktuelt med ein kartleggingssamtale med lege eller sjukepleiar for å avklare kva som er mest formålstenleg for deg.
Utredning
Du får enten eit tilbod om oppfølging/ behandling ved smertepoliklinikken eller at vi tilrår ei vidare oppfølging i førstelinjetenesta, eventuelt rehabilitering i spesialisthelseteneste. Behandlingstilbodet kan vere individuell behandling og oppfølging med ein eller fleire faggrupper, eller meistringsbasert behandling i gruppe. I denne perioden vil det som ledd i behandlinga vere eit fokus på eigenaktivitet, eigentrening og eiga meistring.
Utgreiinga kan føregå over fleire dagar. Du blir ikkje innlagd under utgreiinga.
Du blir spurd om å svare på elektronisk spørjeskjema i samband med utgreiinga. Dette finn du opplysningar om i timebrevet ditt. Dette er til hjelp for oss for å finne ut mest mogleg om tilstanden din. Det er elles ingen førebuingar i forkant av undersøking, utgreiing eller oppstart av behandling, men vi ønskjer at du tek med deg oppdatert medisinliste til første time. Viss du har informasjon om eventuell behandling og medisinar du har prøvd tidlegare, er det fint om du tek med det òg. Fastlegen din kan hjelpe deg med dette.
Behandling
Behandling kan føregå både individuelt og i gruppe. Faggruppene nyttar ulike behandlingsmetodar basert på oppdatert kunnskap og forsking innanfor langvarig smerte. Enkelte pasientar som får tilbod om oppfølging hos oss vil møte ein av fagpersonane til nokre få timar, medan andre vil ha behov for eit tverrfagleg løp der fleire faggrupper er involverte.
Oppfølging
Etter oppfølginga på smertepoliklinikken vil du primært bli følgt opp av fastlegen din, eventuelt andre i det kommunale hjelpeapparatet. Dette blir bestemt etter behova dine, og tilgang på behandlingstilbod i heimkommunen. Enkelte pasientar har heller ikkje behov for behandling, og kan følgjast vidare av fastlege.
Kontakt
Ålesund sjukehus
Smertepoliklinikk Ålesund
Ventetid: Ikke oppdatert
Ventetid: Ikke oppdatert
Kontakt Smertepoliklinikk ÅlesundOppmøtestad
Vi held til i høgblokka, 1. etasje. Til høgre for resepsjonen i hovudvestibylen ved inngang sør.Adresse
- I dag 08:00 - 15:30
Ålesund sjukehus
Åsehaugen 5
Transport
Parkering
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
- Merk at du alltid må registrere bilnummeret på parkeringsautomat eller i EasyPark-appen ved ankomst.
- Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid.
- Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare.
- Appen EasyPark er også eit godt betalingalternativ.
- Besøkande med HC-kort har betalingsfritak på parkeringsplassar med HC-merking.
Stengde inngangsparti i samband med byggearbeid
Poliklinikkinngangen er stengt
20. november 2023 stengde vi poliklinikkinngangen, (inngang nord, Åsehaugen 5a) og la om parkeringsområda ved Ålesund sjukehus i samband med ombygging.
Inngang A til psykiatribygget er stengt
9. september 2024 stengde vi inngang A ved psykiatribygget (Åsehaugen 7a). Pasientar, pårørande og andre besøkande skal bruke inngang på austsida for å kome til psykiatribygget (punkt 13 på bildet). Tilkomst via gangsti frå hovudinngangen (Åsehaugen 5d) på sjukehuset.
Grøn markering: Parkering for pasientar/besøkande
Gul markering: HC-parkering
Raud markering: Parkering for blodgivarar
Blå markering: Parkering for besøkande med spesialbevis