Vi tilrår at du alltid nyttar siste versjon av nettlesaren din.
Et gult helikopter i luften

Informasjon til deg som blei tatt i mot med traumeteam

Ved hendingar der pasientar er mistenkte å ha alvorlege skadar, blir alltid traumeteamet aktivert. Dette inneber at pasienten blir motteken av eit tverrfagleg, spesialisert behandlingsteam på akuttmottaket. Traumeteamet arbeider effektivt og målretta for å identifisere eventuelle alvorlege skadar, og sikrar at pasienten får nødvendig og adekvat behandling utan unødige forseinkingar.

​På denne sida har vi samla informasjon til deg som har blitt motteken av traumeteamet vårt på sjukehuset. Slike skadar og hendingar kan opplevast  skremmande, samtidig som alt går så fort. Mange pasientar sit ofte igjen med spørsmål som dei treng svar på for å komme seg vidare.

  • Fysiske smerter.
  • Psykiske utfordringar som for eksempel angst og depresjon.
  • Sosioøkonomiske etterverknader, som for eksempel sjukefråvær​.

Ved spørsmål om, eller behov for, vidare oppfølging, medisinsk behandling eller rehabilitering etter skade, ber vi deg ta kontakt med fastlegen din. Det er fastlegen som har samla informasjon om helsetilstanden din, og som har fått ei oppsummering av kva sjukehuset har behandla deg for og om det er lagt ein plan for kontroll.  
 
​Ved enkelte alvorlege skadar blir du følgt opp ved sjukehuset. Du har i så fall fått informasjon om dette.  

For meir informasjon om oppfølging i kommunehelsetenesta:

  • Ved fysiske etterverknader, ta kontakt med fastlegen din
  • Ved behov for hjelpemiddel eller assistanse som følgjer av skade, ta kontakt med helse- og velferdskontoret i kommunen din.
  • Frisklivssentral, ein helsefremjande og førebyggjande kommunal helseteneste for personar med sjukdom, eller auka risiko for sjukdom, som treng støtte til å endre levevanar og meistre helseutfordringar. Oversikt over kommunar med frisklivssentral​

For meir informasjon om rehabilitering i spesialisthelsetenesta (krev tilvising):

 

Ved rask forverring av tilstanden som ikkje kan vente: ta kontakt med legevakta på 116117

  • Behov for sjukmelding frå skule/arbeid, ta kontakt med fastlegen din.
  • Spørsmål knytt til arbeid, ta kontakt med arbeidsgivar, eventuelt det lokale NAV-kontoret ditt.
  • Spørsmål knytt til økonomi, ta kontakt med NAV økonomirådstelefonen på
    55 55 33 39.
  • Spørsmål knytt til forsikringssaker: ta kontakt med forsikringsselskapet ditt.

Alle pasientar som blir tekne imot med traumeteam i Noreg blir registrert i eitt nasjonalt traumeregister.

Meir informasjon om traumeregisteret, inkludert  korleis du kan reservere deg mot at dine data blir lagra, finn du her.

Når krisen rammar

Dei rykker alltid ut når du treng det. Korleis er det å jobbe med liv og død? Lytt til Diagnose, ein podkast frå St.Olavs hospital, og lær om korleis det er å vere ambulansearbeidar, og ikkje minst pasient, når ulykka er ute.

Høyr episoden "Først på stedet"
To ambulanseansatte som står foran en ambulansebil
Sist oppdatert 30.10.2026