Lyser ut regionale forskingsmidlar til prosjekt i 2027
Helse Midt-Noreg RHF og Regionalt samarbeidsorgan for utdanning, forsking og innovasjon (Samarbeidsorganet) lyser ut regionale midlar til forskingsprosjekt innan medisin og helsefag.
Foto: Colourbox.com
Det blir lyst ut forskingsmidlar innanfor følgjande søknadskategoriar:
- Doktorgradsstipend
- Postdoktorstipend
- Forskarstipend
- Prosjektmidlar
Utlysinga er open for tilsette i helseføretaka, universitet/høgskular, samt private aktørar som har avtale med Helse Midt-Noreg RHF, i samarbeid med helseføretak.
Søknadsfristen er 1. september 2026 klokka 15.00.
Sjå heile utlysingsteksten her.
Viktige endringar i årets utlysing
Det er fleire endringar i retningslinjene for utlysinga som vi ber søkjarane setje seg inn i:
- Ein prosjektleiar kan sende inn maksimalt to søknader
- Malen for prosjektomtale er endra – bruk den nye malen
- Prosjektleiar skal stå som søkjar på doktorgradsstipendsøknader
- Rundsum er avvikla for kategorien forskarstipend
- Kravet som blei innført i fjor, om at alle søknader skal leverast på engelsk, blir vidareført. I år skal også søknadsskjema (eSøknad) og eventuelle vedlegg vere på engelsk
Les meir om endringane på nettsida.
Informasjonsmøter
I samband med utlysinga av regionale forskingsmidlar frå Helse Midt-Noreg RHF blir det arrangert digitale informasjonsmøte.
På informasjonsmøta deltek prodekan for forsking ved Fakultet for medisin og helsevitenskap ved NTNU, Torstein Baade Rø, samt ein rådgivar frå sekretariatet for Samarbeidsorganet.
Innhaldet i møta er det same – vel eitt av tidspunkta.
Tidspunkt for informasjonsmøte:
- Fredag 12. juni kl. 12.00–13.00 (Teams-lenkja kjem)
- Torsdag 18. juni kl. 10.00–11.00 (Teams-lenkja kjem)
- Fredag 19. juni kl. 13.00–14.00 (Teams-lenkja kjem)
Tildeling og oppstart av prosjekt
Tildelinga blir vedteken av Samarbeidsorganet 5. desember 2026. Informasjon om tildelinga blir publisert etter møtet. Prosjekt som får tildeling kan tidlegast starte 01.01.27 og må vere sette i gang seinast innan 01.10.27.
Kontakt
Har du spørsmål om utlysinga av regionale forskingsmidlar, kan du kontakte sekretariatet for Samarbeidsorganet på Samarbeidsorganet@helse-midt.no.