Uroterapeutar ved gynekologisk poliklinikk
Mange går i årevis med vasslatingsplager dei trur dei må leve med. Ei enkel vurdering og tilpassa behandling hos uroterapeut kan gi betydeleg betring i livskvalitet.
Publisert 10.11.2025
Ved Gynekologisk poliklinikk utfører uroteapeutar utgreiingar, behandlingar og gir råd og rettleiing til kvinner med vasslatingsplager. Tilbodet er førebels etablert ved Ålesund sjukehus, og skal også kome ved Sjukehuset Nordmøre og Romsdal, Hjelset.
Vi kan kartlegge om kvinna har:
- Anstrengingslekkasje (Stressinkontinens)
- Hastverkslekkasje (Urgeinkontinens)
- Blandingsinkontinens
- Overaktiv blære
- Urinretensjon/resturin
- Nocturi
Vi kan tilby:
- Råd og rettleiing om bekkenbunnstrening/blæretrening.
- Diverse hjelpemiddel som urinstopparar (Efemia, Contrelle), Tibialisstimulering og medisinar.
- Råd og rettleiing om gjentekne urinveisinfeksjonar.
- Opplæring i RIK.
- Rettleiing i åtferdsendring som å tilpasse væskeinntak og lage gode rutinar for toalettbesøk.
- Hjelpe pasientane med å oppnå betre blære- og tarmfunksjon og kontroll i kvardagen.
- Informasjon om Bulkamid-behandling (Hydrogel-depot som blir injiserte i urinrøyret) og TVT operasjon. Desse to behandlingsmetodane er for stressinkontinens.
- Vi samarbeider tett med andre faggrupper som lege/gynekolog/urolog og fysioterapeutar for å sikre ei heilskapleg behandling.
Målet er å hjelpe kvinnene til ein betre livskvalitet.
I ein hektisk kvardag, hugs at vi finnast og tilvis til oss.