Indikasjon for tilvisingar til Gynekologisk poliklinikk av gravide med bløding i første trimester
Mange ultralydundersøkingar før 8 vekers amenoré er inkonklusive, og spontanabort før 8 veker treng sjeldan behandling. For å unngå lang ventetid og unødvendige undersøkingar på vakttid kjem følgjande tilrådingar
Indikasjon for akutthjelp
- Pasient med klinikk suspekt på ekstrauterin graviditet.
- Pasient med pågåande spontanabort over 8 vekers amenoré, der smerter
og blødingsintensitet gjer det uforsvarleg å vente til neste dag.
Ved tvil blir konferert med vakthavande gynekolog på telefon.
Dei fleste pasientar kan vente til den etterfølgjande dagen. Pasienten skal meldast til, og hastegrad blir konferert med, vakthavande gynekolog.
Indikasjon for tilvising til vurdering på dagtid
Mistanke om spontanabort over 8 vekers amenoré, med lite til moderat bløding og smerter.
Ikkje akutthjelp
- Bløding i svangerskap under 8 vekers amenoré.
- Tidlegare spontanabort i første trimester.
- Tidlegare ekstrauterin graviditet.
Ved slike problemstillingar kan pasienten tilvisast til privatpraktiserande
gynekolog eller til Gynekologisk poliklinikk for undersøking i løpet av 1-2 veker.
Kvantitativ hCG
To målingar av kvantitativ hCG med 2 eller fleire døgns intervall kan vere av verdi ved spørsmål om spontanabort og/eller ekstrauterin graviditet innan svangerskapslengd 8 veker.
Bakgrunn, tolking og avgrensingar av kvantitativ hCG (pdf).
Gravid kvinne med tidlegare ekstrauterin graviditet, utan bløding eller smerter, kan visast til privatpraktiserande gynekolog eller til Gynekologisk poliklinikk for ultralydundersøking ca. veke 7.
Kontaktinformasjon
Vakthavande gynekolog blir nådd via sentralbordet tlf.