Innføring av nytt hendingshandteringssystem i AMK-sentralen 19. mai 2026
19. mai 2026 blir det tatt i bruk eit nytt, nasjonalt hendingshandteringssystem ved AMK-sentralen i Møre og Romsdal. Vi er den tredje og siste sentralen som tar i bruk Locus Emergency i Midt-Noreg. AMK Trondheim tok i bruk løysinga 8.april, og AMK-sentralen i Namsos gjekk på 15.april. Overgangen til nytt system gjekk som venta og fungerer stabilt og godt i AMK-sentralane i Trøndelag.
Ei heilskapleg, nasjonal løysing
Det nye systemet erstattar dagens dokumentasjons- og kartverktøy og knyter på sikt alle AMK-sentralane i landet saman i éi felles plattform. Dette bidreg til:
- auka redundans og robustheit i handtering av 113-førespurnader og styrkt samarbeid på tvers av helseregionane i handtering av akutte førespurnader.
- betre avgjerdsstøtte for vurdering av hastegrad
- forbetra kvalitet på rettleiing og råd til innringarar
- varsling av helsehjelp
113-samtale blir svart på og handtert som normalt i overgangen til ny AMK-løysing.
For kommunehelsetenesta (fastlegar, legevakt, sjukeheimar m.fl.) betyr innføringa inga større endring i korleis ambulanse- eller sjuketransport blir bestilt per i dag. Eksisterande bestillingskanalar og prosedyrar blir vidareførte. Det kan medføre nokre mindre justeringar i arbeidsflyt mellom AMK og Legevaktsentralene, men det er god dialog mellom fagmiljø og leiing for å sikre overgangen.
Det nye systemet vil legge eit grunnlag for framtidige, meir smidige bestillings- og samhandlingsløysingar når dette blir vidareutvikla nasjonalt.
Opplæring og overgangsperiode
AMK-operatørane har starta på den interne opplæringa. For operatørane er det mykje nytt som skal lærast på kort tid. Som ved alle større systemskifte kan det trengast ein innkøyringsperiode for å bli heilt fortruleg med ny arbeidsflyt.
Vi ber derfor om forståing og tolmod i samband med go‑live 19. mai 2026, og dessutan i dagane og vekene etter, medan løysinga blir stabilisert i AMK Møre og Romsdal.
Vi set stor pris på godt samarbeid og ønsker å sikre dykk god og tidleg informasjon om endringane. Ta gjerne kontakt dersom det er behov for fleire avklaringar.