Tilvising av pasientar med behov for akutt skjelettrøntgen og bruk av KI
Prosedyren gjeld handtering av pasientar med akutt skade og mistanke om skjelett- og/eller bløtvevsskade som blir tilvist til Helse Møre og Romsdal. Gjeld alle tider på døgnet, alle dagar.
Hensikten med pasientflyten er å tilby raskare svar til pasientar med negativt funn for å redusere unødvendig ventetid.
- Send tilvisinga elektronisk og som papirtilvising med pasienten. Merk at papirtilvising alltid skal sendast med pasienten når det er akutthjelp.
- Du som tilvisar legg til kommentar om pasienten kan reise heim dersom negativ røntgen.
- Du som tilvisar formidlar ein eventuell behandlingsplan til pasienten ved negativ røntgen.
- Røntgenavdelinga sender alle pasientar med negativt funn heim dersom det er spesifisert i tilvisinga at pasienten kan reise heim ved negativ røntgen (sjå eksempel på tilstandar med behov for tilsyn ved skadepoliklinikk/akuttmottak under).
Behov for tilsyn ved skadepoliklinikk etter røntgen
Det er viktig at det blir gjennomført ein grundig og valid klinisk undersøking av pasienten som grunnlag for tilvising.
Under er ei rettleiing for legevakt/fastlege i vurdering av pasientar som blir tilviste til røntgen for å utelukke brot – skal/bør dei vidare til skadepol eller ikkje?
Behov for tilsyn ved skadepoliklinikk
Eksempel på tilstandar der det er behov for tilsyn ved skadepoliklinikk
- Pasientar som ikkje kan belaste skadde bein/fot/fotledd/ankel.
- Mistanke om Lisfranc skade/brot i midtfoten.
- Nevrologiske eller sirkulatoriske utfall etter skade.
- Instabilt eller låst ledd (både mekanisk og relatert til hydrops/smerte) etter skade.
- Pasientar med hydrops i kneet.
- Vridingstraume i kneet med mistanke om ligamentsskade.
- Mistanke om septisk artritt.
- Mistanke om skafoid-fraktur.
- Rupturar, t.d. patella, kvadricepser, biceps, akilles, midtslipprupturar osv..
- Mistanke om drop-finger.
- Mistanke om UCL-skade (Ømheit over ulnare delen av MCP-ledd 1).
Ikkje behov for tilsyn ved skadepoliklinikk
Eksempel på tilstandar der det ikkje er behov for tilsyn ved skadepoliklinikk.
Frakturmistanke:
- 2-5 finger utan annan klinikk
- 2-5 tå utan annan klinikk
- Tommel eller stortå utan annan klinikk
- Lange røyrknoklar utan annan klinikk
Kva skjer viss radiologi oppdagar at negativ KI-funn likevel blir tolka som fraktur?
- Radiolog legg inn korrigerande svar og kontaktar skadepoliklinikk eller
akuttmottak med info om funn. - Svar går ut til tilvisar og fastlege etter vanleg rutine.
- Skadepoliklinikk ev. akuttmottak går gjennom svar, ringer pasienten og informerer om funn og vidare plan med ev. innkalling for behandling.
Prosedyre ved nedetid av KI-applikasjonen
Ved nedetid av KI-applikasjonen vil radiolog granske biletet før pasienten ev. blir sendt heim (dersom tilviser har påført at pasienten kan reise heim ved negativ røntgen). Pasienten må derfor vente på sjukehuset til dette er gjennomført.