Lærings- og meistringssenteret i Helse Møre og Romsdal
Lærings- og meistringssenteret (LMS) jobbar for at pasientar, brukarar og pårørande skal få informasjon, kunnskap og hjelp til å handtere og meistre langvarig sjukdom og endringar i helsa si
Inviterer til pårørandekonferanse
Gjennom arbeid i Helsefellesskapet Møre og Romsdal inviterer vi til streaming av Nasjonal Pårørendekonferanse for tredje gong. Lærings- og meistringssenteret i Helse Møre og Romsdal HF, Utviklingssenteret for sykehjem og hjemmetjenester Møre og Romsdal, Ålesund kommune og Molde kommune ønskjer fagpersonar innan helseføretaket, kommunar og brukarorganisasjonar i fylket velkommen til ein dag med fokus på pårørande.
Publisert 18.06.2025
Gjennom arbeid i Helsefelleskapet Møre og Romsdal inviterer vi igjen inn til ein felles dag for dialog og streaming av den Nasjonale Pårørandekonferansen. Lærings- og meistringssenteret, Utviklingssenteret for sykehjem og hjemmetenester Møre og Romsdal, Ålesund kommune og Molde kommune arragerer dagen, og i år vil dagen bli arrangert ved Sjukehuset Nordmøre og Romsdal.
Dato: 24.september 2025
Tidspunkt: kl.09:30-14:45
Stad: Audiotoriet, Sjukehuset Nordmøre og Romsdal, Hjelset
Kostnadar: Konferansen og bevertning er gratis
Påmeldingfrist 7.september 2025
*Grunna maks antall må vi sette maks to representantar frå same brukarorganisasjon ved påmelding. Dersom fleire utover dette ønskjer å delta kan de sende e-post til lms@helse-mr.no for venteliste.
Invitasjon til streaming av konferansen
Om konferansen
Den nasjonale pårørandekonferansen er ein digital konferanse for pårørande og fagpersonane som møter dei. Konferansen har fått namnet Saman er me mindre åleine. Ensomheit er ein av dei største utfordringane for pårørande. Pårørande sjølv kan bli sjuke dersom dei ikkje blir ivaretatt. Samtidig opplever fagpersonar ofte å stå åleine i sitt arbeid. Begge gruppene har behov for arena dei dei kan møtast, utveksle erfaringar og få fagleg påfyll.
Årets konferanse rettar søkelyset mot korleis vi kan styrke godt samarbeid og god samhandling mellom pårørande og helse-og omsorgstenestene.
Unn Birkeland som er dagleg leiar ved Pårørandesenteret og Else Kåss Furseth vil vere programleiar for dagen, og tema for konferansen vil mellom anna vere:
- nytt frå myndighetene si side
- å vere pårørande i arbeidslivet
- barn som pårørande
- sofasamtaler, og nytt og nyttig rundt i landet
For nærmare informasjon om programmet for dagen kan du gå til heimesida til pårørandesenteret.
Velkommen til ein dag med innsikt, refleksjon og viktige samtalar ved Sjukehuset Nordmøre og Romsdal 24.september!
