Reiseutgifter for barn som pårørande
- Barn kan no få dekka utgifter til reise for å få nødvendig informasjon eller oppfølging av helsepersonell, når foreldre eller søsken mottar helsehjelp. Det er ei gledeleg nyheit seier barnekoordinator i Helse Møre og Romsdal Anne Hollingen.
I styringskravet for 2019 står det at barn som pårørande frå 1. januar 2019 er inkludert i pasientreiseforskriften. I paragarf 19 andre ledd står det:
Mindreårige barn har rett til å få dekket utgifter ved reise til helsepersonell som skal ivareta barnets behov for informasjon og nødvendig oppfølging etter helsepersonelloven § 10 a eller § 10 b.
Reise dit helsepersonell yter helsehjelp
- Det betyr at barn som pårørande og etterlatne får dekka utgifter når dei reiser til helsepersonell som skal bidra til at dei får informasjon og nødvendig oppfølging fortel barnekoordinator Hollingen. -Til dømes når ein forelder eller søsken er pasient med psykisk sjukdom, rusmiddelavhengighet eller alvorlig somatisk sjukdom eller skade. Det same gjeld når foreldre eller søsken dør.
Det er viktig å merke seg at barn som pårørande ikkje skal betale eigenandel når dei er under 16 år, og at rettigheita til å få dekka reiseutgifter etter denne paragrafen gjeld til dei er 18 år.
Korleis få dekket reiseutgifter
For å søkje om å få dekket reiseutgifter for barnet, må Pasientreiser sitt reiserekningsskjema på papir fylles ut og sendes i posten. Det er viktig at oppmøtebekrefting frå helsepersonell eller behandlar vert lagt ved søknaden. Reiserekningsskjemaet finner du på helsenorge.no.
Søk om reisedekning.Papirskjema