Med Helseplattformen som verktøy
Sterkare saman for betre pasientforløp
Helsefelleskapet Møre og Romsdal har tildelt prosjektet “samhandlingsoptimalisering med Helseplattformen” rekrutterings- og samhandlingstilskot for 2025 og 2026. Dette er eit samarbeidsprosjekt mellom Helse Møre og Romsdal og Kristiansund, Molde og Ålesund kommune.
Møre og Romsdal er ein unik posisjon: Helse Møre og Romsdal og over 70 % av kommunane har tatt i bruk Helseplattformen. No har vi eit felles digitalt grunnlag som gjer det mogleg å jobbe meir koordinert – til beste for både pasient og helsepersonell.
Gjennom felles innsats skal vi:
- Styrke samhandling og overgangane i pasientforløpet med Helseplattformen
- Redusere dobbeltarbeid og avklare ansvar gjennom heile pasientforløpet
- Få meir tid til pasientbehandling gjennom betre informasjonsdeling
- Gje pasientane tryggare, meir heilskapleg oppfølging
- Skape ein arena for samarbeid og hente gevinstar av å vere på ei felles plattform
Prosjektet har særleg fokus på pasientar med samansette behov – grupper som ofte blir ramma av utydelege overgangar. No legg vi til rette for ei meir berekraftig helseteneste i heile Møre og Romsdal – med pasienten i sentrum og samhandling som nøkkel.
Prosjektet starta opp 5. mai 2025 og er heilt i startgropa med å skaffe innsikt frå alle aktørar og planlegging av aktivitetar til hausten. Meir informasjon kjem etter kvart!
Er du nysgjerrig, ta gjerne kontakt med prosjektleiar Katrine Skrede Mortveit (E-post: katrine.skrede.mortveit@helse-mr.no, Tlf: 90183045).