Sterk deltaking og kreativ kraft på SamOpp-workshop

Gjennom dagen arbeidde åtte grupper med dei viktigaste innsiktsområda frå prosjektet, og kokte dei ned til kreative, gjennomførbare og framtidsretta forslag. I ei avsluttande pitchekonkurranse stemte deltakarane fram dagens beste idé. 

Vinnaren: “Opplæringsbomba” – eit krafttak for felles kompetanse 

Den mest populære ideen, og soleklar vinnar av pitchekonkurransen, var “opplæringsbomba” – ein intensiv, samkøyrt og praksisnær læringspakke som skal: 

• gi felles forståing av systembruk 

• hindre vranglære 

• avdekke fallgruver 

• styrke samarbeid mellom kommunar og føretak 

Forslaget inkluderer simuleringar, konkrete case, typiske feil, tverrfaglege læringsøkter og tett oppfølging – med mål om å etablere felles kompetanse med effekt i praksis.

Denne ideen fekk brei støtte både frå kommune, sjukehus og prosjektleiinga – og blir no tatt vidare i det vidare tiltaksarbeidet. 

Andre fremheva idear frå workshopen 

1. Standardiserte flytskjema og felles pasientforløp

Fleire grupper peikte på behovet for å rydde opp i gamal praksis og sikre felles flytskjema på tvers av nivå.

Dette inkluderer forslag om å: 

• standardisere pasientforløp mellom HF og kommunane 

• revidere flytskjema i Helseplattformen 

• fjerne forelda papirrutinar som ikkje gir verdi  

• Fjerne unødvendig meldingsutveksling

2. “Samhandlingstaxi” – trygg flyt gjennom teknologiske verktøy

Ein av dei mest nytenkande ideane var konseptet Samhandlingstaxi, som humoristisk – men presist – adresserer behovet for betre sporing og informasjonsflyt: 

• pasienten “scannast” ved overgangar 

• heimetenesta får løpande oversikt 

• RFID-teknologi kan sikre korrekt medisinoversikt  

Dette viser korleis humor ofte kan synleggjere reelle behov i praksis.

3. Magisk knapp på mobil – mindre klikk, meir samhandling 

Ei rekke grupper foreslo funksjonelle forbetringar, som ein “magisk knapp” som samlar fleire utskrivings- og permisjonsfunksjonar i éin operasjon. 
Eit tiltak som vil redusere feil og gi meir effektivt arbeid i krevjande situasjonar.  

4. Smart bruk av strukturert informasjon

Det kom fleire forslag til korleis helsepersonell kan utnytte den strukturerte informasjonen betre, blant anna: 

• opplæring i bruk av Synopsis 

• bryte ned siloar mellom nivå 

• hospitering for å bygge tillit til kvarandre sin dokumentasjon 

5. Forenkling av notatflyt og fellesstandardar

Konkrete tekniske og praktiske forslag inkluderte: 

• bruk av tags for notatmaler 

• regionale smart phrases 

• betre bruk av kontakttypar for å gjere informasjon enklare å finne  

6. Felles opplæringsinitiativ og tverrfagleg læring 

Fleire grupper foreslo: 

• felles fagdager for sjukehus og kommune 

• simuleringar på tvers 

• hospitering mellom nivå 

• felles opplæringsvideoar og materiell  

Dette samsvarar godt med vinnarforslaget og viser eit sterkt ønske om meir koordinert kompetansebygging. 

7. Spillbasertopplæring – læring som motiverer 

Ei gruppe lanserte eit engasjerande forslag om spillbasert opplæring, med poeng, nivå og konkurranse mellom einingar. 

Tiltaket kan bidra til: 

• raskare læring 

• høgare motivasjon 

• sterkare kultur for samhandling  

Eit felles løft for betre samhandling 

Workshopen demonstrerte ei brei forståing av utfordringsbiletet – men også stor skaparkraft. Tusen takk for ein fantastisk dag! Neste steg blir å vidareutvikle og prioritere tiltaka – med “opplæringsbomba” i front som eit av dei mest lovande forslaga.