Tilvisingar (henvisinger) både frå fastlege, avtalespesialist og kommune (sjukeheim), skal sendast elektronisk via journalsystemet.
Illustrasjon: Colourbox.com
Tilvising blir brukt ved tilvising til utgreiing, behandling eller førespurnad om fagleg råd. Innhald i tilvisinga skal vere i tråd med tilvisingsrettleiaren. Henvisningsveileder - Helsedirektoratet
Ved tilvising til akuttmottak skal tilvising sendast til relevant spesialitet. Pasienten skal også meldast til AMK-sentralen for innlegging.
Når spesialist har vurdert tilvisinga vil tilvisar få tilbakemelding i meldinga «status henvisning». Denne meldinga kan innehalde viktig informasjon, så det er viktig at tilvisar les desse meldingane.
I tillegg til tilvisingsrettleiaren frå Helsedirektoratet kan vi ha lagt ut informasjon i våre behandlingstekstar og avdelingssider om kva som er viktig å hugse på når du skal sende ei tilvising.
Informasjon om tilvising til pasient og pårørandeopplæring, for eksempel kurs eller gruppetilbod finn du under kvart enkelt tilbod i kurskatalogen til Helse Møre og Romsdal
Rett tilvisingsadresse (Her-id) finn du i adresseregisteret til Norsk helsenett.
Du kan finne informasjon om avtalespesialistar og ventetider her (helse-midt.no)
Sjukehusa har korte fristar for å vurdere tilvisingar og svare pasienten med tid for behandling. Med elektronisk tilvising unngår vi tida for vanleg postgang, og vi reduserer samtidig risikoen for å gjere feil.
