Sjukepleiar? Søk utdanningsstilling i Helse Møre og Romsdal

Vil du bli spesialsjukepleiar? Helse Møre og Romsdal tilbyr utdanningsstillingar både til sjukepleiarar som allereie er tilsette i føretaket og til nye søkjarar 

Helse Møre og Romsdal har eit stort behov for spesialsjukepleiarar, og tilbyr kvart år eit varierande antal utdanningsstillingar til sjukepleiarar som vil vidareutdanne seg.

Ei utdanningsstilling inneber at du kan ta ei spennande spesialsjukepleiarutdanning, samstundes som du får løn og eit tilsettingsforhold i HMR. 

Etter ferdig utdanning har du bindingstid i ein seksjon der du får opparbeidd relevant erfaring innan nytt fagfelt. 

Utdanningsstillingane  dekker tre semester av utdanninga, 90 studiepoeng, og du får 90% løn. Då har du fullført vidareutdanning i spesialsjukepleie og skal ha 2 års bindingstid ved føretaket.  

For masterstudiet i jordmorfag gjeld utdanningsstilling alle 4 semester (120 studiepoeng) og tre års bindingstid.

Du må søkje studieplass ved aktuelt universitet/høgskule innan søknadsfristen ved det enkelte studiestad.  

Hugs å søkje om tidleg opptak ved studieretningar der dette er mogleg. Då er søknadsfristen 1. mars, og du får svar i slutten av mai. 

Ofte stilte spørsmål 

Kva er ei utdanningsstilling? 

Med utdanningsstilling meinast at utvalde kandidatar får løn under vidareutdanning, og har same vilkår som andre tilsette. Du vil difor opparbeide både lønsansiennitet og pensjon i denne perioden. 

Søknadsprosessen 

• Du søkjer på ei utdanningsstilling hos Helse Møre og Romsdal gjennom utlysinga i Webcruiter. 

• For å søkje utdanningsstilling må du ha søkt opptak til vidare- og masterutdanninga innanfor søknadsfristen.
  
• Når du har fått studieplass, last opp bekreftelse på dette i din søknad på Webcruiter og sender samtidig e-post via Webcruiter om at du har fått studieplass.

Søknader blir vurderte fortløpande, men formelt tilbod om utdanningsstilling vil ikkje liggje føre før stadfesta studieplass er mottatt og ei heilskapleg vurdering av søkjar er gjennomført.  

Bindingstid  

Kan eg søkje på fleire utdanningsstillingar? 

Ja, du kan søkje utdanningsstilling for alle dei studia du har søkt på. Du må oppgje kva studieretningar du har søkt på i prioritert rekkefølgje. Du blir berre vurdert til utdanningsstilling for den eller dei vidareutdanningane du har fått tilbod om. 

Kan eg søkje utdanningsstilling etter påbegynt studium? 

Utdanningsstillingane er meint for dei som søkjer opptak til vidareutdanning og master, i ein samordna prosess mellom aktuell utdanningsinstitusjon og Helse Møre og Romsdal. Du kan i utgangspunktet ikkje søkje på ei utdanningsstilling etter påbegynt studium. Unntak kan førekome dersom det innan enkelte studieretningar er mangel på søkjarar, eller og stillingane må lysast ut på nytt. 

Alle søkjarar må forhalde seg til oppgitt søknadsfrist. 

Kva krav må vere oppfylte for å kunne søkje? 

For å søkje utdanningsstilling må du ha søkt opptak til vidareutdanning/masterutdanning ved dei aktuelle lærestadene som tilbyr utdanninga du ønskjer å ta. 

Intervju blir gjennomført fortløpande, men stillingar vil ikkje bli tildelte før stadfesting på mottatt studieplass er formidla til HMR og ei heilskapleg vurdering av søkjar er gjort. Dette er søkjar sitt eige ansvar Dei aktuelle seksjonsleiarane gjer deretter innstillinga på bakgrunn av relevant erfaring, samt fagleg og personleg eignaheit. 

Dokumentasjon og tenestebevis 

Kor skal eg sende inn tenestebevis og stadfesting på at eg har fått studieplass?  Når du har fått studieplass, last opp bekreftelse på dette i din søknad på Webcruiter og sender samtidig e-post via Webcruiter om at du har fått studieplass.   

Arbeidsplikt og ferie 

Kor mykje må eg arbeide under studietida?  

Du er pliktig til å arbeide minst 4 veker i den studiefri perioden om somaren mellom andre og tredje semester. 

Har eg krav på ferie under studiet?  

Ja, du er tilsett og har same vilkår som andre tilsette ved Helse Møre og Romsdal HF. 

Lærestadene har fri sommar, jul/nyttår og påske – har eg då automatisk fri?  

Arbeidsgivar har styringsrett over tilsette sin ferie. Helse Møre og Romsdal tildeler ferie innanfor rammene av ferielova og interne retningslinjer i samband med vidareutdanninga sine studiefri periodar ved jul/nyttår, sommar og påske. Ferien vert ansett som avvikla i studiefrie periodar, som i samband med sommerferie (4 veker), og i øvrige studiefrie periodar og saldo vert nullstilt I dialog med næraste leiar vert  feriedager avklart.  Dersom du ikkje har opptent ferie med løn, kan du reservere deg mot full ferie. Du kan òg ta ut full ferie, men ferien blir då trekt på juniløn.