Utdanning av legar er ei investering i framtida

Etter omlag 10 års arbeidserfaring som anestesilege i Helse Møre og Romsdal, går Bjørn Ove Sætre 1. oktober  inn i ei ny rolle i 70 % stilling som utdanningskoordinerande overlege (UKO). Han skal no ha hovudansvaret for LIS-utdanninga (spesialistutdanninga av legar) i føretaket.  Sætre vil spele ei sentral rolle i utviklinga og gjennomføringa av spesialistutdanninga for legar i spesialisering (LIS), som omfattar 33 ulike spesialitetar i helseføretaket. 

Denne stillinga er viktig for å ivareta LIS-utdanninga i helseføretaket, og bidra til at legar i spesialisering får ei god spesialistutdanning. Sætre vil ha ansvaret for å vidareutvikle heile spesialistutdanninga  frå LIS1 til ferdig spesialist, inkludert utviklinga av rettleiingsutdanning ved føretaket sine sjukehus. 

Sætre ser fram til å nytte kliniske erfaring i den nye stillinga og han kjenner organisasjonen godt frå før.  

Jørgen Jareld blir med på laget i ei periode framover, han har ansvar for å halde rettleiarkurs og kommunikasjonskurs for legar.  

Sætre tek på seg denne rolla med mål om å videreutvikleframtidas spesialistutdanning slik at den held god faglig kvalitet.  Ein del av arbeidet er også samarbeid med andre helseføretak. 

Sætre tek over for Ingeborg Henriksen, som har hatt funksjonen i fleire år. 
Ho skildrar rolla som svært givande. – Det er ein av dei mest inspirerande jobbane eg har hatt. Det er fantastisk å sjå alt det gode arbeidet som vert gjort i helseføretaket, seier ho.    

Helse Møre og Romsdal ser på dette som eit viktig steg for å sikre framtidas kompetente spesialistar og for å styrke den faglege kvaliteten i helsetenestene i regionen.