Vi anbefaler at du alltid bruker siste versjon av nettleseren din.
Helse i arbeid
HelseIArbeid
HelseIArbeid er ei nasjonal satsing og eit samarbeid mellom spesialisthelsetenesta og NAV. Målsettinga er at du skal kunne stå lenger i jobb, ved å få behandling for plagene dine samtidig som jobben kan tilrettelegge for deg.
Tilbodet gir rask tilgang til tverrfagleg utgreiing og vurdering av vanlege muskel-/skjelett- og tillegg arbeidsrelaterte avklaringar.
I Helse Møre og Romsdal har vi to behandlingstilbod for HelseIArbeid, eit lokalisert i Molde og eit i Ålesund.
I Ålesund består teamet av spesialist i fysikalsk medisin og rehabilitering, lege i spesialisering, spesialfysioterapeutar, manuellterapeut, arbeidsrådgivar og NAV-rettleiar.
I Molde består teamet av nevrolog, spesialfysioterapeutar/manuellterapeut, sosionom og NAV-rettleiar.
Tilbodet i Ålesund gjelder muskel-/-skjelettplager.
I Ålesund får du oppfølging hos Poliklinikk for fysikalsk medisin og nevropsykologi.
Tilbodet i Molde gjelder nakke/ryggplager.
I Molde får du oppfølging ved Tverrfagleg ryggpoliklinikk.
Begge tilboda er fylkesdekkande, det vil seie at du kan få tilvising til det tilbodet som treff deg best, uavhengig av kvar du bur.
Tilvising og vurdering
Både fastlege, psykolog, manuellterapeut, kiropraktor og tannlege kan sende tilvising.
Det er ønskeleg å kome tidleg inn til utgreiing og avklaring. Du kan få tilvising når det er fare for sjukmelding, hyppige sjukmeldingar eller i ein tidleg fase av sjukmeldinga. Du treng ikkje å ha prøvd behandling i primærhelsetenesta/kommunehelsetenesta før du får tilvising til HelseIArbeid.
Tilvisinga blir vurdert av eit inntaksteam i samsvar med nasjonal prioriteringsrettleiar, innan ti verkedagar. Ved rett til helsehjelp får du innkalling til time. I tida fram til utgreiing, eller ved eventuelle endringar i helsetilstaden, skal du ta kontakt med fastlegen.
Alle tilvisingar bør innehalde:
aktuell sjukehistorie og problemstilling
relevante tidlegare og nåverande sjukdommar, psykiske og somatiske, diagnosar og eventuell tidlegare behandling
arbeidsstatus, sjukmeldingsforhold og -historikk og eventuell stønadsstatus
kliniske funn
resultat av relevante tilleggsundersøkingar og bildediagnostikk
oppdatert oversikt over medikament
Ved bruk av malen «Den gode tilvisning» som er integrert i dei fleste elektroniske pasientjournalsystema. er overnemnde punkt dekte.
I tillegg:
tidlegare behandling og effekt av denne
rusanamnese
funksjonsnivå sosialt/familiært
sivil status, omsorg for barn, familiær og sosial fungering.
ønskt mål for vurdering og behandling, under dette målet og motivasjonen til pasienten
Hugs
For framandspråklege pasientar må det i tillegg opplysast om nasjonalitet, språk og tolkebehov.
Oppgi fastlegen til pasienten dersom det er andre enn fastlegen som tilviser.
For meir informasjon og rettleiing om tilvisingar til spesialisthelsetenesta:
Eit tverrfagleg team startar utgreiing og vurdering av dei helseplagane som påverkar din funksjon i jobb eller studiar.
Utgreiinga blir gjort i tverrfagleg poliklinikk, og målsettinga er å avklare årsak til plagane i tillegg til å føreslå eigna oppfølging.
NAV-rettleiaren si oppgåve i teamet er å bidra til tilrettelegging på jobb og fatte nødvendige vedtak. Samtale og oppfølging frå NAV skjer kun etter samtykke.
For mange er ei utgreiing i tverrfagleg poliklinikk tilstrekkeleg, utan vidare behandling og oppfølging. Dersom vi ser behov for vidare behandling kan du få tilbud om individuell oppfølging eller gruppebehandling.
Kontrollar/oppfølgingssamtalar for å kvalitetssikre og bygge opp under dei tiltaka som er iverksett
Arbeidsrelatert oppfølging i samarbeid med NAV
Samhandling med fastlege og/eller andre deler av helsetenesta for å optimalisere vidare forløp.
Etter oppfølginga har vi som mål at du har fått kunnskap om dine plager og korleis du gjennom informasjon, gode strategiar for meistring og tilpassa aktivitet, kan endre på faktorar som er med på å oppretthalde smerte. Målet er å klare å halde på eller auke di deltaking i arbeidslivet.
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
Merk at du alltid må registrere bilnummeret på parkeringsautomat eller i EasyPark-appen ved ankomst.
Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid.
Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare.
Appen EasyPark er også eit godt betalingalternativ.
Besøkande med HC-kort har betalingsfritak på parkeringsplassar med HC-merking.
Stengde inngangsparti i samband med byggearbeid
Poliklinikkinngangen er stengt
20. november 2023 stengde vi poliklinikkinngangen, (inngang nord, Åsehaugen 5a) og la om parkeringsområda ved Ålesund sjukehus i samband med ombygging.
Inngang A til psykiatribygget er stengt
9. september 2024 stengde vi inngang A ved psykiatribygget (Åsehaugen 7a). Pasientar, pårørande og andre besøkande skal bruke inngang på austsida for å kome til psykiatribygget (punkt 13 på bildet). Tilkomst via gangsti frå hovudinngangen (Åsehaugen 5d) på sjukehuset.
Markerte område på bildet Grøn markering: Parkering for pasientar/besøkande Gul markering: HC-parkering Raud markering: Parkering for blodgivarar Blå markering: Parkering for besøkande med spesialbevis
Kart
For å finne fram på sjukehuset kan du også bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Inngangen er midlertidig stengt i samband med byggearbeid. Bruk inngang på austsida av bygget. Tilkomst via gangsti ved hovudinngangen til Ålesund sjukehus.
Fram Ekspress og alle andre bussar går innom busslomma ved Ålesund sjukehus. Unntak: Flybussen i Ålesund stoppar berre ved busslomme oppe ved hovudvegen.
Fly
Ålesund lufthavn, Vigra ligg om lag 23 km frå Ålesund sjukehus.
Praktisk informasjon
Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.
Treng du nokon å snakke med? Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.
Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.
Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.
Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.
Opningstid
07.30–15.30
Apoteket ligg på nordsida av sjukehuset, nær inngangen til poliklinikkane.
Vi har god heimelaga mat, varme og kalde rettar, til gode prisar.
Du finn oss i 1. etasje. Velkomen!
Opningstider:
Måndag til fredag: kl 09.00 - 15.00
Helg og høgtid: stengt
Kiosk
I tillegg har vi kiosk i hovedvestibylen ved sjukehuset.
Opningstider:
Måndag til fredag: kl 07.00 - 20.00
Laurdag og søndag: 12.00 - 18.00
Raude dagar: 10.00 - 18.00
Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.
Det ikkje er lov å ta bilde av medpasientar eller tilsette uten løyve.
Vi håper alle viser respekt for personvernet under besøket ved sjukehuset.
Vi held til i Moldehallen, Verftsgata 10 i Molde på Bolsønesområdet, i 2. etasje inngang A (på sjøsida av bygninga). Kjem du med bil, er det gratis parkering utanfor. Ta av frå Fannestrandsvegen mot fjorden i lyskrysset ved Glamox. Kjem du med buss, er det busstopp like ved – 2-3 minutt å gå. Det er god bussforbindelse med Timeekspressen til/frå Kristiansund og Ålesund.
