Frå bekymring til behandling
Gjennom filmen Line og uro i skulen - kva kan vi gjere før vi tilviser kan du sjå eit eksempel på eit forløp for barn og unge, frå bekymring til behandling.
ADHD SKILLS - eit nytt gruppetilbod for barn og unge med ADHD
Barn og ungdom som har fått diagnosen ADHD kan no få eit nytt og styrka tilbod ved BUP i Helse Møre og Romsdal. ADHD SKILLS er eit gruppetilbod som gir deltakarane meir kunnskap om ADHD, betre forståing av eigne styrkar og utfordringar – og ikkje minst moglegheit til å møte andre i same situasjon.
Publisert 24.03.2026
Foto: Helse Møre og Romsdal
Tilbodet er utvikla i Sverige og er omsett og tilpassa norsk praksis. Gruppene blir leia av eigne behandlarar som har SKILLS‑utdanning.
Kva er ADHD SKILLS?
ADHD SKILLS er eit gruppetilbod som kombinerer:
- Undervising om ADHD
- Samtalar og refleksjon
- Praktiske øvingar
- Utveksling av erfaringar mellom deltakarane
Ved BUP Kristiansund starta dei tilbodet med ei gruppe for barn i alderen 10–12 år, der både barna og foreldra deltok.
Målet er at deltakarane skal:
- få auka kunnskap om ADHD
- styrke sjølvforståinga
- oppleve fellesskap med andre som har ADHD
Kvar finst tilbodet?
I Helse Møre og Romsdal er gruppetilbodet ADHD Skills i første omgang etablert ved BUP Volda og BUP Kristiansund, mens BUP Molde skal i gang etter påske.
Korleis melder ein seg på?
Det er din behandlar i BUP som vurderer og informerer om tilbodet når barnet eller ungdommen har fått ADHD‑diagnosen.
