Utfordringar med ventilasjonen på SNR
Det har oppstått utfordringar knytt til ventilasjonen på operasjonsstuene og sterilsentralen ved Sjukehuset Nordmøre og Romsdal på Hjelset. Fordi det er strenge krav til luftfuktigheit i desse områda, har dette fått konsekvensar for delar av den kirurgiske verksemda ved sjukehuset.
Beredskapsorganisasjonen er mobilisert, og det er no sett grøn beredskap i heile helseføretaket.
– Vi jobbar no med å få oversikt over omfanget og konsekvensane av denne situasjonen, og vil kome tilbake med meir informasjon seinare i dag, seier fungerande administrerande direktør Britt Rakvåg Roald i Helse Møre og Romsdal.
Helse- og omsorgsminister Jan Christian Vestre er på rundreise i Møre og Romsdal, og skulle etter planen besøkje akuttsjukehuset på Hjelset i ettermiddag. Som følgje av denne hendinga blir det endringar i programmet.
Grøn beredskap inneber at helseføretaket førebur seg på ei situasjon som kan krevje ekstra ressursar og merksemd, men som framleis kan handterast innanfor normale rammer.