På oppsida av Aure rehabiliteringssenter med sjøutsikt.

Aure rehabiliteringssenter

Aure rehabiliteringssenter ligg landleg til, ca 1,5 time nord for Kristiansund.  Her tilbyr vi ein unik kombinasjon av oppfølging, med 5-døgnsopphald ved senteret i tillegg til fysisk og digital oppfølging mellom og etter opphalda.

Slik finn du fram

Adresse

Aure rehabiliteringssenter
Bergsvegen 38, 6690 Aure

Praktisk informasjon

​Barn og unge blir påverka når nokon i familen blir sjuke. Dei treng å forstå kva som skjer. Vi på Aure rehabiliteringssenter skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Pasientar og besøkande kan bruke gratis trådlaust internett på senteret. Sjå etter GjestenettHMN på mobil eller datamaskin.

Passord p​å SMS

Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

​Mange pasientar og pårørande ønsker å ta bilde eller video som eit minne frå tida på Aure rehabiliteringssenter. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved Aure rehabiliteringssenter. 


​Her er ei liste over utstyr du må ta med deg til opphaldet:

  • Medisinane dine, for heile opphaldet
  • Toalettsaker
  • Turklede til all slags vêr
  • Treningsklede
  • Sko til inne- og utandørsbruk
  • Badetøy
  • PC eller nettbrett (for bruk i opplæring om korleis du kan delta på aktuelle digitale treningsgrupper)

Besøkstider

Avdelingane i Helse Møre og Romsdal har ulike besøkstider. Tidene står på dei aktuelle avdelingssidene. Finn du ikkje besøkstida til ein spesifikk avdeling? Gi oss ei tilbakemelding i feltet "Fann du det du leita etter?" nedst på sida.
Finn avdeling her
To damer på besøk med pasient i daglegstova.