Vi tilrår at du alltid nyttar siste versjon av nettlesaren din.

Hjartesviktpoliklinikken

Ved hjartesviktpoliklinikken tilbyr vi individuell oppfølging av pasientar med hjartesvikt. Hjartesviktpoliklinikken vert driven av spesialsjukepleiarar i tett samarbeid med hjartespesialist (kardiolog).

Dei fleste pasientane som får oppfølging ved ein hjartesviktpoliklinikk blir tilvist frå sjukehus etter innlegging eller i samband med annan poliklinisk kontroll. Fastlegen kan òg sende tilvising til spesialist i hjartesjukdomar dersom problemstillinga høyrer inn under det hjartesviktpoliklinikken behandlar.  

 

Kven kan tilvisast til hjartesviktpoliklinikken?  

Pasientar som er utgreidde for hjartesvikt etter gjeldande faglege retningslinjer, og som har behov for justering av medikament, informasjon og opplæring om hjartesvikt. Det er viktig at pasienten sjølv, eventuelt med støtte frå pårørande eller heimetenesta, kan følgje opp behandlinga.

Hovudoppgåvene til hjartesviktpoliklinikken er: 
  • Gi informasjon om hjartesvikt, inkludert livsstil og medikamentell behandling. 

  • Gi opplæring til eigenmestring. 

  • Gjennomføre kliniske undersøkingar. 

  • Justere hjartesviktmedisinar i tråd med europeiske retningslinjer (ESC Guidelines). 

  • Følge opp blodprøver, gjere funksjonsmålingar og vurdere livskvalitet. 

Første kontroll inneheld fleire undersøkingar. Her vil du få informasjon og opplæring for din tilstand. I tillegg vil vi ta blodtrykk, puls, EKG og vekt. Vi vil også gjennomføre 6-minutts gangtest (dersom du er i stand til det). Du vil få utdelt symptom-skjema som du skal fylle ut. Du skal òg ta blodprøver (på laboratoriet). Du vil få informasjon om anbefalingar for justering av dine hjartesviktmedisinar.  

Kor mange kontrollar du skal til vidare, er avhengig av om det er behov for medisinendringar. Det er òg avhengig av om tilstanden din er stabil. Vanlegvis går det 2-4 veker mellom kontrollane, men det kan òg gå kortare eller lengre tid. På dei aller fleste kontrollane målar vi blodtrykk, puls, vekt og blodprøvar. Informasjon og rettleiing vert repetert etter ditt behov. 

Når vi er ferdig å justere på medisinane dine, vil vi gjennomføre ein ny 6-minutts gangtest, for å sjå om gangdistansen og symptoma har endra seg sidan første kontroll. Etter denne kontrollen vert du satt opp til kontroll etter ca 6 månader. I mellomtida må du gå til fastlege for kontroll av blodprøver og kontroll av blodtrykk og puls.  

På 6 månaders kontrollen vil vi måle blodtrykk, puls, vekt og eventuelt ta EKG. Du vil og få nytt symptom-skjema og fylle ut. Informasjon vil bli repetert.  

Dersom vi ikkje finn grunn til å sette i verk ytterlegere tiltak etter denne kontrollen, blir oppfølginga overført tilbake til fastlege.  

Når oppfølginga ved hjartesviktpoliklinikken er avslutta, er det viktig at du følger dei råda du har fått. Hjartesvikt krev livslang oppfølging, og du må gå regelmessig til fastlege vidare. Det er viktig at du kontrollerar blodtrykk, puls og blodprøver med jamne mellomrom.

Skulle tilstanden forverre seg på eit seinare tidspunkt, kan du tilvisast på nytt.  

 

Oppfølging av hjartesviktpasientar i allmennpraksis  

 

 

Kontakt

Telefon

  • Måndag - Fredag 08:00 - 15:30
  • Laurdag - Søndag STENGT
  • Måndag - Fredag 08:00 - 15:30
  • Laurdag - Søndag STENGT

E-post

Medisinsk.avdeling.alesund.fellespostkasse@helse-mr.no

Videokonsultasjon

Vi tilbyr videokonsultasjon. Klikk her for rettleiing

Behov for å endre timen din?

HelsaMi
Send oss ei melding via HelsaMi. Logg på helsami.no eller last ned HelsaMi-appen og finn timen din der. Det er viktig at du tar kontakt så snart som råd før avtalt time. Då kan andre få tilbod om timen og du bidreg til å redusere ventetidene. Dersom du ikkje møter, blir du belasta med eit gebyr, sjølv om du er fritatt for eigendel.

Slik finn du fram

Oppmøtestad

Poliklinikken finn du i 1. etasje på nordsida av sjukehuset. På grunn av ombyggingsarbeid må alle bruke hovudinngangen på sørsida av sjukehuset.Gå tvers gjennom sjukehuset og til venstre i enden. Du registrer deg i luka når du kjem. Ventearealet finn du ved apoteket.  


Adresse

Åpningstider
  • I dag 08:00 - 16:00
Blomar i forgrunn av Ålesund sjukehus

Ålesund sjukehus

Åsehaugen 5

Finn fram