Nyresjukdommar poliklinikk Ålesund

Det kan dreie seg om utgreiing av nyresjukdom, blodtrykksregulering, oppfølging av nyresvikt, og førebuing til dialysebehandling. I tillegg har legane oppfølging av pasientar som er nyre- og bukspyttkjerteltransplanterte, og organgivarar (donorar). Det er tett samarbeid mellom dialyseavdeling, poliklinikk og sengepost. Det er dei same legane og sjukepleiarane som vekslar mellom å jobbe på dei ulike avdelingane.

Nyresjukepleiarane på nyrepoliklinikken tilbyr informasjon om kost, ulike dialyseformer og førebuing til transplantasjon. Dei tar blodtrykkskontroll, gir jerninfusjonar og gir medikamentrettleiing.

Nyresjukepleiarane organiserer også "Nyreskulen" for nydiagnostiserte pasientar med pårørande. Nyreskulen blir gjennomført ein gong i året, om våren.