Pusterommet SNR Hjelset

Pusterommet er eit trenings- og aktivitetssenter som tilbyr tilpassa fysisk aktivitet til kreftpasientar under og etter behandling. Dei tilsette du møter på Pusterommet har spesialkompetanse innan fysisk aktivitet og kreft. Du kan delta i gruppetrening og/eller få individuelt tilrettelagt treningsprogram. Det er også ein møteplass og sosial arena for pasientar i same situasjon.

Aktiv mot kreft etablerer treningssenter for kreftpasientar på norske sjukehus for å få fysisk aktivitet inn som ein del av kreftbehandlinga. Treningssentera blir kalla Pusterom, fordi brukarane både kan auke pulsen og pusten, men også få eit pusterom frå ein vanskeleg kvardag.

Pusterommet set fokus på betydinga av fysisk aktivitet og trening som kilde til meistring, både fysisk og psykisk, i samband med kreftsjukdom.

Vi tilbyr

Individuelle kartleggings- og rettleiingssamtalar fysisk og digitalt
Individuell oppfølging av fysioterapeut fysisk og digitalt
Gruppetimar for kondis/styrke og bevegelse med fokus på pust
Moglegheit for eigentrening

Kontakt

Telefon

48056161

Tilvising

Send elektronisk tilvising til "HMR Onkologi" (HerID: 190506). Tilvising skal innehalde diagnose, kort sjukehistorie, behandlingsforløp og eventuelle avgrensingar for trening og fysisk aktivitet. Informer gjerne pasienten om tilvisinga til pusterommet.