Vi tilrår at du alltid nyttar siste versjon av nettlesaren din.

Alderspsykiatri Sunnmøre

Alderspsykiatrisk seksjon gir spesialisttenester til personar over 65 år med psykiatriske lidingar, og til dei som treng utgreiing og behandling ved spørsmål om demens.

Korleis søke til alderspyskiatrisk seksjon?

  • Søknad frå fastlege eller tilsynslege i opptaksområdet.
  • Vidare tilvising frå mottaksseksjonen ved vaksenpsykiatrisk avdeling.
  • Søknad frå annan instans innan spesialisthelsetenesta på Sunnmøre.

 Poliklinikken og sengeposten har felles inntaksmøte ein gong i veka. 

Kjerneoppgåver

  • Observasjon
  • Utgreiing
  • Behandling

Målgruppe

  • Menneske med omfattande utfordringar i sin demenssjukdom og/eller omfattande psykiatrisk symptomatologi. Alder er av mindre relevans.
  • Pasientar med alvorleg psykiatrisk liding med debut etter 65 år.
  • Pasientar over 65 år med alvorleg psykiatrisk liding, tidlegare sjuk, men ingen fast behandlingskontakt i vaksenpsykiatrien, eller når andre sjukdomar og/eller høg alder gjer alderspsykiatrien tenleg.
  • Pasientar med uklar demensdiagnose, der alderspsykiatrien rår over ressursar til å utgreie desse.

Hovudmål for utgreiing

Kartlegge ressursar og problemområde, og finne rette omsorgsnivået for pasienten. Godt samarbeid med pårørande, primærhelsetenesta og spesialisthelsetenesta.
 

Hovudmål for behandling

Å lækje, betre og lindre psykiske og fysiske lidingar. Avhjelpe sosiale problem. Ta omsyn til pasienten sine eksistensielle behov.

Poliklinikken er open måndag - fredag kl 0800-1530.

Arbeidsmetodar i poliklinikken

  • Individuell behandling/terapi.
  • Familie-/systemperspektiv ved demensutvikling, avhengig av nærståande personar.
  • Behandling ved å følgje opp familie.
  • Behandling ved kontakt med omsorgspersonar.
  • Rettleiing.
  • Poliklinikk i eigne lokale.
  • Ambulant verksemd.

Sengeposten har 6 sengeplassar til saman, og vi legg vekt på fleksibel bruk av desse overfor dei ulike målgruppene. Opphaldslengda er 4-12 veker, kortare opphald blir vurdert ved krise/hast der problemet er kjent frå før. Vi gir råd og rettleiing til andre sengepostar i føretaket der det er føremålstenleg å bruke alderspsykiatrien sine ressursar. Vi kan ikkje gi strakshjelp, men skal ha ambulerande funksjon der det er nyttig.

 

 

Kontakt

Telefon

Alderspsykiatrisk poliklinikk

70 16 74 00
  • Måndag - Fredag 08:00 - 15:00
  • Laurdag - Søndag STENGT

Alderspsykiatrisk sengepost

70 16 74 50

Forløpskoordinator pasientforløp

70 16 73 00

Postadresse

Helse Møre og Romsdal HF
Alderspsykiatri Sunnmøre
Postb. 1600
6026 Ålesund

E-post

vaksenpsykiatrisk.avdeling.fellespostkasse@helse-mr.no

Videokonsultasjon

Vi tilbyr videokonsultasjon. Klikk her for rettleiing

Slik finn du fram

Oppmøtestad

Alderspsykiatri Sunnmøre er lokalisert vest i psykiatribygget ved Ålesund sjukehus. Du finn både sengeposten og poliklinikken i 1. etasje, inngang A, vaksenpsykiatrisk avdeling (Åsehaugen 7A). 

Blomar i forgrunn av Ålesund sjukehus

Ålesund sjukehus

Åsehaugen 5

Finn fram

Praktisk informasjon

kl. 13.00–15.00 og 16.30–19.30. Eventuelt etter avtale med personalet.