Vel møtt til kurs for deg med lågt eller høgt stoffskifte 5. og 13. juni 2023. Pårørande er også oppfordra til å delta. Kurset går over to dagar og du kan delta ulike stadar i fylket.
Kurset finn stad 5. og 13. juni og er arrangert av Medisinsk avdeling ved Molde sjukehus i samarbeid med Stoffskifteforbundet og Lærings- og meistringssenteret i Helse Møre og Romsdal.
Kurset er eit såkalla hybridkurs der kurset vert halde fysisk ved sjukehuset i Molde med digital overføring og fysisk oppmøte også ved sjukehuset i Ålesund, Volda eller Friskliv og mestring i Kristiansund.
Du vil mellom anna få lære meir om hypo- og hypertyreose, behandling, kosthald, legemiddel og rettar. I tillegg innlegg frå brukarrepresentant, informasjon frå Stoffskifteforbundet og god tid til erfaringsutveksling og spørsmål.
Ta med eigen matpakke, det er også moglegheit for kjøpe lunsj i kantine/kiosk. Det vert servert kaffi/te.
Les meir om kurstilbodet her
Les meir om tidlegare stoffskiftekurs i denne nyhendesaka
